ரூ.44 ஆயிரத்தை தொட்ட தங்கம் விலை; இல்லத்தரசிகள் கலக்கம் - இன்றைய நிலவரம்!

தங்கம் விலை சவரனுக்கு ரூ.144 உயர்ந்து விற்பனையாகிறது.

தங்கம் விலை 

தமிழ்நாடு உள்பட தென்னிந்தியாவில் தங்கம் விற்பனை சிறப்பாக நடைபெறுவது வழக்கம். தங்கம் எப்போதுமே ஏழை மற்றும் நடுத்தர வர்க்கத்தினரின் முக்கியமுதலீடுகளில் ஒன்றாக இருக்கிறது.

ஏற்ற, இறக்கத்துடன் காணப்பட்டு வந்த தங்கம் விலை திடீரென ரூ.46,000த்தை எட்டி அதிர்ச்சி கொடுத்தது. தொடர்ந்து, கடந்த சில தினங்களாக ஏற்றம், இறக்கம் என காணப்பட்டு வந்த நிலையில், இன்று அதிரடியாக உயர்ந்துள்ளது.

உயர்வு

அதன்படி, 22 காரட் ஆபரணத் தங்கத்தின் விலை கிராமுக்கு ரூ.18 உயர்ந்து 5,500 ரூபாய் ஆகவும், சவரனுக்கு ரூ.144 உயர்ந்து ரூ.44,000 ஆகவும் விற்பனையாகிறது.

18 காரட் ஆபரணத் தங்கத்தின் விலை கிராமுக்கு ரூ.14 உயர்ந்து 4,505 ரூபாய் ஆகவும், சவரனுக்கு ரூ.112 உயர்ந்து ரூ.35,040 ஆகவும் விற்பனையாகிறது.

வெள்ளி விலை மட்டும் கிராமுக்கு 10 காசுகள் குறைந்து ஒரு கிராம் ரூ.77.00 ஆகவும், ஒரு கிலோ ரூ.77,000ஆகவும் விற்பனையாகிறது.