இதுவரை வரலாறு காணாத உச்சத்தில் தங்கம் விலை - மக்கள் கண்ணீர்!
தங்கத்தின் விலை சவரனுக்கு 600 ரூபாய் உயர்ந்து விற்பனையாகிறது.
தங்கம் விலை
சர்வதேச சந்தையில் நிலவும் பொருளாதார காரணிகளின் அடிப்படையிலேயே தங்கத்தின் விலை தீர்மானிக்கப்படுகிறது. தமிழ்நாடு உள்பட தென்னிந்தியாவில் தங்கம் விற்பனை சிறப்பாக நடைபெறுவது வழக்கம்.
தங்கம் எப்போதுமே ஏழை மற்றும் நடுத்தர வர்க்கத்தினரின் முக்கிய முதலீடுகளில் ஒன்றாக இருக்கிறது. தொடர்ந்து, கடந்த சில தினங்களாக ஏற்றம் இறக்கம் என காணப்பட்டு வந்த நிலையில், இன்று (ஜன.22) விலை சரமாரியாக அதிகரித்துள்ளது.
வரலாறு காணாத உச்சம்
அதன்படி 22 கேரட் ஆபரணத் தங்கத்தின் விலை சவரனுக்கு 600 ரூபாய் உயர்ந்து ரூ.60,200க்கும், கிராம் ரூ.7,525க்கும் விற்பனை செய்யப்படுகிறது.
வெள்ளி விலை கடந்த 4 நாட்களாக எவ்வித மாற்றமுமின்றி கிராம் ரூ.103.90க்கும், கிலோ வெள்ளி ரூ.1,03,900க்கும் விற்பனையாகிறது.
தங்கம் விலை புதிய உச்சத்தை தொட்டு, நகைப்பிரியர்களுக்கு ஷாக் கொடுத்துள்ளது. முதல்முறையாக ஒரு சவரன் தங்கம் விலை ரூ.60 ஆயிரத்தை கடந்துள்ளது குறிப்பிடத்தக்கது.
