சற்று உயர்ந்த தங்கம் விலை - இப்போது நகை வாங்கலாமா?
இன்றைய தங்கம் மற்றும் வெள்ளி விலை நிலவரத்தை பற்றி தெரிந்து கொள்ளலாம்.
தங்கம் விலை
சர்வதேச சந்தையில் நிலவும் பொருளாதார காரணிகளின் அடிப்படையிலேயே தங்கத்தின் விலை தீர்மானிக்கப்படுகிறது. தமிழ்நாடு உள்பட தென்னிந்தியாவில் தங்கம் விற்பனை சிறப்பாக நடைபெறுவது வழக்கம்.
தங்கம் எப்போதுமே ஏழை மற்றும் நடுத்தர வர்க்கத்தினரின் முக்கிய முதலீடுகளில் ஒன்றாக இருக்கிறது. தொடர்ந்து, கடந்த சில தினங்களாக ஏற்றம் இறக்கம் என காணப்பட்டு வந்த நிலையில், இன்று (ஆகஸ்ட் 4) விலை அதிகரித்துள்ளது.
உயர்வு
அதன்படி 22 கேரட் ஆபரணத் தங்கத்தின் விலை கிராமுக்கு ரூ.5 உயர்ந்து ரூ.9,295க்கும், சவரனுக்கு ரூ.40 உயர்ந்து ரூ.74,360க்கும் விற்பனை செய்யப்படுகிறது.
18 காரட் தங்கம் விலையில் எந்த மாற்றமும் இன்றி ஒரு கிராம் ரூ.7,680க்கும், ஒரு சவரன் ரூ.61,440க்கும் விற்பனை செய்யப்படுகிறது.
வெள்ளி விலை மாற்றமின்றி ஒரு கிராம் 123 ரூபாய்க்கும், ஒரு கிலோ வெள்ளி 1,23,000 ரூபாய்க்கும் விற்பனையாகிறது.
