இறங்கிய வேகத்தில் ஏறிய தங்கம் விலை - எவ்வளவு தெரியுமா?

தங்கத்தின் விலை சவரனுக்கு ரூ.120 உயர்ந்து விற்பனையாகிறது.

தங்கம் விலை

தமிழ்நாடு உள்பட தென்னிந்தியாவில் தங்கம் விற்பனை சிறப்பாக நடைபெறுவது வழக்கம். தங்கம் எப்போதுமே ஏழை மற்றும் நடுத்தர வர்க்கத்தினரின் முக்கிய முதலீடுகளில் ஒன்றாக இருக்கிறது.

ஏற்ற, இறக்கத்துடன் காணப்பட்டு வந்த தங்கம் விலை திடீரென ரூ.46,000த்தை எட்டி அதிர்ச்சி கொடுத்தது. தொடர்ந்து, கடந்த சில தினங்களாக ஏற்றம், இறக்கம் என காணப்பட்டு வந்த நிலையில், இன்று விலை அதிகரித்துள்ளது.

உயர்வு

அதன்படி, சென்னையில் 22 கேரட் ஆபரணத் தங்கத்தின் விலை சவரனுக்கு ரூ.120 உயர்ந்து ரூ.44,000-ஆக விற்பனை செய்யப்படுகிறது.கிராமுக்கு ரூ.15 உயர்ந்து ரூ.5,500ஆக விற்பனையாகிறது.

24 கேரட் தங்கம் கிராம் ஒன்றுக்கு ரூ. 5,970ஆக விற்பனையாகிறது. சவரன் ரூ. 47,760ஆக விற்பனையாகிறது.

வெள்ளி விலை கடந்த 3 நாட்களாக ஒரே விலையே நீடிக்கிறது. கிராம் வெள்ளி ரூ.76.20க்கும், ஒரு கிலோ76,200க்கும் விற்பனை செய்யப்படுகிறது.