வரலட்சுமி நோன்பை தொடர்ந்து உயர்ந்த தங்கம் விலை - எவ்வளவு தெரியுமா?

தங்கத்தின் விலை சவரனுக்கு 40 ரூபாய் அதிகரித்து விற்பனையாகிறது.

தங்கம் விலை

தமிழ்நாடு உள்பட தென்னிந்தியாவில் தங்கம் விற்பனை சிறப்பாக நடைபெறுவது வழக்கம். தங்கம் எப்போதுமே ஏழை மற்றும் நடுத்தர வர்க்கத்தினரின் முக்கிய முதலீடுகளில் ஒன்றாக இருக்கிறது.

ஏற்ற, இறக்கத்துடன் காணப்பட்டு வந்த தங்கம் விலை திடீரென ரூ.46,000த்தை எட்டி அதிர்ச்சி கொடுத்தது. தொடர்ந்து, கடந்த சில தினங்களாக ஏற்றம், இறக்கம் என காணப்பட்டு வந்த நிலையில், இன்று விலை அதிகரித்துள்ளது.

உயர்வு

சென்னையில் இன்று ஆபரண தங்கத்தின் விலை சவரனுக்கு 40 ரூபாய் அதிகரித்து ரூ.43,840க்கு விற்பனையாகிறது. கிராமுக்கு 5 ரூபாய் உயர்ந்து, ரூ.5,480க்கு விற்பனையாகிறது.

வெள்ளி விலை கிராமுக்கு 50 காசுகள் உயர்ந்து, 80 ரூபாய்க்கும், கிலோவுக்கு 500 ரூபாய் உயர்ந்து, 80,000 ரூபாய்க்கும் விற்பனை செய்யப்பட்டு வருகிறது.