நாளை மீண்டும் கூடுகிறது தமிழக சட்டசபை

கடந்த மாதம் 18-ந் தேதி தமிழக சட்டசபையில் பட்ஜெட் தாக்கல் செய்யப்பட்டு மறுநாள் வேளாண் பட்ஜெட் தாக்கலானது.

தாக்கல் செய்யப்பட்ட இரண்டு பட்ஜெட் மீதும் கடந்த 24-ந்தேதி வரை விவாதம் நடைபெற்ற நிலையில், அமைச்சர்கள் பதிலுரைக்கு பிறகு சட்டசபை ஒத்திவைக்கப்பட்டது.

இந்நிலையில், துறை வாரியான மானியக் கோரிக்கையை நிறைவேற்ற சட்டசபை கூட்டம் நாளை மீண்டும் கூடுகிறது.

ஒவ்வொரு நாளும் துறை ரீதியாக மானியக் கோரிக்கைகள் மீதும் விவாதம் நடைபெறும் நிலையில், முதல் நாளான நாளை (6-03-22) நீர்வளத்துறை மானியக் கோரிக்கை தாக்கல் செய்யப்படுகிறது.

சொத்து வரி உயர்வு, நீட் தேர்வு, சட்டம்-ஒழுங்கு பிரச்சனை, தி.மு.க.வின் தேர்தல் வாக்குறுதிகள் உள்ளிட்ட பல்வேறு பிரச்சினைகளை எழுப்ப அ.தி.மு.க., பா.ஜனதா உள்ளிட்ட எதிர்க்கட்சிகள் திட்டமிட்டுள்ளன.

எனவே சட்டசபை கூட்டம் மதியம் 2 மணி வரை நடைபெறும் என்பதால் கோட்டையில் பாதுகாப்பு ஏற்பாடுகளும் அதிகரிக்கப்பட்டுள்ளது.