சென்னையின் நீராதாரம்..தமிழகத்தின் முக்கிய தொழில் பூங்காக்கள் அமைந்துள்ள திருவள்ளூரின் வரலாறு

வடதமிழகத்தின் மிக முக்கிய மாவட்டமான திருவள்ளூரின் வரலாறு குறித்து இந்த தொகுப்பில் தற்போது காணலாம்.

திருவள்ளூர் 

திருவள்ளூர் மாவட்டம் பல்லவ, கோல்கொண்டர்கள், முகலாய பிரஞ்சு மற்றும் ஆங்கிலேய காலம் முதலே முக்கிய நகரமாக இருந்து வந்துள்ளது. இம்மாவட்டமானது, 7 ஆம் நூற்றாண்டில் பல்லவர்களின் ஆளுமையில் இருந்தது. அதன் பின் ஆற்காடு நவாப்பின் ஆட்சிக்குள்ளான ஒரு நகரமாக மாறிய திருவள்ளூர், இந்தியாவில் ஆங்கிலேயர் வருகைக்கு பிறகு அவர்களின் ஆட்சிக்கு கீழ் இருந்தது. திருவள்ளூரின் சுற்றுவட்ட இடங்களில் ஆங்கிலேயர் மற்றும் பிரஞ்சுகாரர்களுக்கும் இடையே அடிக்கடி போர் நடந்ததாக கூறப்படுகிறது.

திருவள்ளூர் மாவட்டத்தில் அமைந்துள்ள 108 திவ்யதேசங்களில் ஒன்றான வீரராகவ கோவிலில், விஷ்ணு தூக்க நிலையை குறிப்பிடுகின்ற வகையில் இந்த நகருக்கு முன்னர் திருவல்லூரு அறியப்பட்டது. பின்னர் மக்கள் திரிவல்லூர் என்றும் பின்னர் திருவள்ளூர் என குறிப்பிடத்துவங்கினர்.

கடந்த 1997 ஆம் ஆண்டு ஜனவரி 1-ஆம் தேதி இந்த மாவட்டம் செங்கல்பட்டு மாவட்டத்தில் இருந்து திருவள்ளூர், ஊத்துக்கோட்டை, பள்ளிப்பட்டு, பொன்னேரி மற்றும் கும்மிடிபூண்டி உள்ளிட்ட வட்டங்களை செங்கல்பட்டு மாவட்டத்திலிருந்து பிரித்து இந்த புதிய மாவட்டம் உருவாக்கப்பட்டது. தற்பொழுது இந்த மாவட்டத்தில் கும்மிடிபூண்டி, பொன்னேரி, ஊத்துக்கோட்டை, திருவள்ளூர், பூவிருந்தவல்லி, திருத்தணி, பள்ளிப்பட்டு மற்றும் ஆவடி ஆகிய 8 வட்டங்கள் உள்ளன.

பொருளாதாரம் 

தமிழகத்தில் தொழில் வளர்ச்சியில் திருவள்ளூர் மாவட்டம் மிக வேகமாக முன்னேறி வருகிறது. மெட்ராஸ் ரிஃபைனரிஸ், மெட்ராஸ் ஃபெர்டிலைசர்ஸ், மணாலி பெட்ரோ கெமிக்கல்ஸ், எம்ஆர்எஃப், அசோக் லேலண்ட், டிஐ சைக்கிள்ஸ், பிரிட்டானியா இந்தியா லிமிடெட், பாரி இந்தியா லிமிடெட் மற்றும் ஹிந்துஸ்தான் மோட்டார்ஸ் போன்ற பல முன்னணி தொழில்கள் உள்ளன.

இது எண்ணூர் அனல் மின் நிலையம் மற்றும் ஆவடி டேங்க் பேக்டரி ஆகியவற்றைப் பெருமைப்படுத்துகிறது. மாவட்டத்தில் பதினாறு தொழிற்பேட்டைகள் உள்ளன. அனைத்தும் செயல்பாட்டில் உள்ளன. அவற்றில் பதினொன்று அரசாங்கத்தால் உருவாக்கப்பட்டவை மற்றும் ஐந்து தனியார் நிறுவனத்தால் உருவாக்கப்பட்டவை. இந்த மாவட்டத்தில் பதினாறாயிரத்து தொள்ளாயிரத்து நாற்பது சிறுதொழில்கள் உள்ளன. அவற்றில் குறிப்பிடத்தக்கவை உணவு, ஜவுளி, மரம், பொறியியல், இரசாயனம், உலோகம் அல்லாத மற்றும் தோல் தொழிற்சாலைகள்.

சென்னையின் நீர் ஆதாரங்களை கொண்ட திருவள்ளூர்

சென்னையின் தற்போதைய மிக முக்கிய நீராதாரங்களான பூண்டி அணை மற்றும் செம்பரம்பாக்கம் ஏரி போன்றவை இந்த மாவட்டத்தில் தான் அமைந்துள்ளது. குறிப்பாக பூண்டி அணை நீர்த்தேக்கம் தான் சென்னை மற்றும் புறநகர் பகுதிகளின் மிக முக்கிய நீராதாரமாகும்.

பூண்டி 

கடந்த 1944 ஆம் ஆண்டு கொசத்தலை ஆற்று படுகையில் இந்த நீர்த்தேக்கம் உருவாக்கப்பட்டது. தாமரைபாக்கம் அணைக்கட்டால் தடுக்கப்பட்டு, சோழவரம் ஏரி மற்றும் புழல் ஏரிக்கு திசை திருப்பப்படும் ஆற்றின் குறுக்கே நீராடும் நீர் பாய்கிறது. ந்த நீர்த்தேக்கம் 65 லட்ச ரூபாய் செலவில் நிர்மாணிக்கப்பட்டது. 1954-1963 காலப்பகுதியில் மாநிலத்தின் முதலமைச்சராக இருந்த குமாரசுவாமி காமராஜின் அரசியல் ஆலோசகராக இருந்த சத்யமூர்த்தியை நினைவுகூறும் விதமாக பூண்டி நீர்தேக்கத்திற்க்கு சத்தியமூர்த்தி சாகர் என்று காமராஜர் பெயர் சூட்டினார்.

செம்பரம்பாக்கம்

இந்த ஏரியானது 500 ஆண்டுகள் பழமையானது. இதன் அப்போதைய நீர்மட்டம் 19.5 அடியாக இருந்தது. ஆங்கிலேயர் ஆட்சிக் காலத்தில் நீர்மட்டம் 22 அடியாக உயர்த்தப்பட்டது. பின்னர் தெலுங்கு கங்கைத் திட்டத்தில் ஆந்திர மாநிலத்தில் இருந்து வரும் நீரைத் தேக்கி வைப்பதற்காக இதன் நீர்மட்டம் 24 அடியாக உயர்த்தப்பட்டது. இந்த ஏரியின் கரை 9 கிலோ மீட்டர் நீளம் உடையது. ஏரியில் 19 சிறிய மதகுகள், 5 பெரிய மதகுகள், 2 கலங்கல் ஆகியவற்றைக் கொண்டது. சென்னைக்கு குடிநீர் வழங்கும் 4 ஏரிகளில் இதுதான் பெரிய ஏரியாகும். சென்னையில் இருக்கும் அடையாறு இந்த ஏரியில் இருந்து தான் பிறக்கிறது என்பது குறிப்பிடத்தக்கது. 

வழிபாட்டு தளங்கள்  

திருவள்ளுர் மாவட்டத்தில் 108 திவ்ய தேசங்களில் இரண்டு உள்ளன. அவை, பெருமாள் துயில் கொண்ட திருவள்ளுர் வீரராகவ பெருமாள் கோவில் மற்றும் திருநின்றவூரில் அமைந்துள்ள பக்தவச்சல பெருமாள் கோவிலாகும்.

அதேபோல, முருகனின் அறுபடை வீடுகளில் ஒன்றான திருத்தணி கோவில் மற்றும் சிறுவாபுரி கோவில் இவை இரண்டுமே திருவள்ளூர் மாவட்டத்தில் தான் அமைந்துள்ளது. அம்மனுக்கு பிரசித்திபெற்ற திருவேற்காடு, பெரியபாளையம் பவானி அம்மன் கோவில் என தனித்தனியே மிகவும் பிரசித்திபெற்ற பல வழிபாட்டு தளங்களால் இந்த மாவட்டம் நிறைந்துள்ளது.