காவல் வாகனம் மோதி 6 வயது சிறுமி பலி - மக்கள் போராட்டம் !

காவல்துறை வாகனம் மோதியதில் 6 வயது சிறுமி பலியானது பெரும் பரபரப்பை ஏற்படுத்தியுள்ளது.

சிறுமி பலி

திருப்பூர் மாவட்டம் விஜயாவரம் பகுதியைச் சேர்ந்த 3-ஆம் வகுப்பு படிக்கும் திவ்யதர்ஷினி என்ற சிறுமி காவல்துறை வாகனம் மோதியதில் சம்பவ இடத்திலேயே பரிதாபமாக உயிரிழந்துள்ளது. பள்ளியில் இருந்து சிறுமியை தாயார் அழைத்து வரும்போது இந்த விபத்து ஏற்பட்டிருக்கிறது.

மக்கள் போராட்டம்

இந்நிலையில் அப்பகுதியைச் சேர்ந்த பொதுமக்கள் காவல்துறை வாகனத்தை போகவிடாமல் தடுத்து நிறுத்தி போராட்டத்தில் ஈடுபட்டு வருகின்றனர். தகவல் அறிந்து வந்த போலீசார் சிறுமியின் உடலை மீட்டு அரசு மருத்துவமனைக்கு அனுப்பி வைத்துள்ளனர்.

மேலும், இந்த சம்பவம் குறித்து போலீசார் விசாரணை மேற்க்கொண்டு வருகின்றனர். இதனால் அப்பகுதியில் பரபரப்பான சூழல் நிலவி வருகிறது.