திருப்பதி தரிசனம்; ஆன்லைன் டிக்கெட் எப்போது புக் செய்யலாம் - முக்கிய அறிவிப்பு

திருப்பதி டிக்கெட் ஆன்லைனில் வெளியிடப்படும் என தேவஸ்தானம் அறிவித்துள்ளது.

ஆன்லைன் டிக்கெட் 

மே மாதத்திற்கான 300 ரூபாய் தரிசன டிக்கெட்டுகள் இம்மாதம் 25ஆம் தேதி காலை 10 மணிக்கு திருப்பதி தேவஸ்தான வெப்சைட்டில் வெளியிடப்பட உள்ளன. தங்கும் அறைகளை முன்பதிவு செய்ய விரும்பும் பக்தர்கள் இம்மாதம் 26 ஆம் தேதி காலை 10 மணி முதல் முன்பதிவு செய்யலாம்.

மே மாதம் ஏழுமலையான் கோவிலில் நடைபெற இருக்கும் கல்யாண உற்சவம், ஊஞ்சல் சேவை, கட்டண பிரமோற்சவம், சகஸ்ரதீப அலங்கார சேவை ஆகிய சேவைகளில் மெய்நிகர் அடிப்படையில் பங்கு பெற டிக்கெட்களை இம்மாதம் 24 ஆம் தேதி காலை 10 மணிக்கும்,

முன்பதிவு 

ஜூன் மாதம் மெய் நிகர் சேவைகளை முன்பதிவு செய்த பக்தர்கள் ஏழுமலையான வழிபடுவதற்கான டிக்கெட்டுகளை இம் மாதம் 24 ஆம் தேதி மாலை 3 மணிக்கு முன்பதிவு செய்து கொள்ளலாம்.

 ஜூலை மாதம் நடைபெற இருக்கும் இந்த மெய் நிகர் சேவைகளுக்கான டிக்கெட்டுகளை முன்பதிவு செய்ய விரும்பும் பக்தர்கள் வரும் 20ஆம் தேதி காலை மணி 11.30 மணிக்கு துவங்கி ஆன்லைனில் முன்பதிவு செய்யலாம். ஜூலை மாதம் அங்க பிரதட்சணம் செய்ய விரும்பும் பக்தர்கள் வரும் 21ஆம் தேதி காலை 10 மணிக்கு துவங்கி தேவஸ்தான வெப்சைட்டில் இலவசமாக முன்பதிவு செய்யலாம்.

டிக்கெட்டுகள் தேவையான பக்தர்கள் தேவஸ்தானத்தின் www. tirupathibalaji.ap.gov.in இணையதளம் மூலம் முன்பதிவு செய்யலாம் என தேவஸ்தானம் அறிவித்துள்ளது.