இந்த 2 அணிகள்தான் உலக கோப்பை இறுதிப்போட்டியில் விளையாடும் - ஆஸி. வீரர் கருத்து!

உலக கோப்பை இறுதிப்போட்டியில் விளையாடும் 2 அணிகள் குறித்து ஆஸ்திரேலிய கிரிக்கெட் வீரர் கருத்து தெரிவித்துள்ளார்.

உலகக் கோப்பை

உலகக் கோப்பை கிரிக்கெட் தொடர் 2023 இந்தியாவில் நடைபெறவுள்ளது. வரும் அக்டோபர் மாதம் 5ம் தேதி தொடங்கி நவம்பர் மாதம் 19ம் தேதி போட்டிகள் முடிவடைய உள்ளது.

இந்த தொடரில் இந்தியா, பாகிஸ்தான், இங்கிலாந்து, ஆஸ்திரேலியா, இலங்கை உள்ளிட்ட 10 அணிகள் பங்கேற்கின்றன. கடந்த சில தினங்களுக்கு முன்னர் உலக கோப்பை தொடருக்கான 15 பேர் கொண்ட இந்திய அணியும் அறிவிக்கப்பட்டது. இதில் இந்திய அணியில் இடம் பிடித்துள்ள வீரர்கள், அணியில் இடம் பெறாத வீரர்கள், அணித்தேர்வு குறித்து பல விவாதங்களும் நடைபெற்று வருகிறது.

அதுமட்டுமல்லாமல் போட்டிகள் தொடங்குவதற்கு முன்னரே பல கிரிக்கெட் வீரர்கள், இந்த அணிகள்தான் அரையிறுதி மற்றும் இறுதிப்போட்டிக்கு முன்னேறும் என்றும் இந்த அணிதான் உலகக் கோப்பையை வெல்லும் என்றெல்லாம் கருத்துகளை தெரிவித்து வருகின்றனர்.

யுவராஜின் 6 சிக்ஸர்கள்; பிரபல கிரிக்கெட் வீரரின் தற்போதைய பரிதாமா நிலைமை - என்ன நடந்தது?

மிட்செல் மார்ஷ்

அந்த வகையில் ஆஸ்திரேலிய வீரர் மிட்செல் மார்ஷ் உலகக்கோப்பை தொடரில் இறுதிப்போட்டியில் விளையாடும் இரு அணிகள் குறித்து தனது கருத்தை தெரிவித்துள்ளார்.

அவர் கூறியதாவது "என்னை பொருத்தவரை நேர்மையாக சொல்ல வேண்டுமென்றால் எதிர்வரும் 50 ஓவர் உலகக் கோப்பை தொடரில் ஆஸ்திரேலியா மற்றும் பாகிஸ்தான் ஆகிய அணிகள் தான் இறுதிப்போட்டியில் விளையாடும் என தெரிவித்துள்ளார். இந்த கருத்து இந்திய கிரிக்கெட் ரசிகர்கள் மத்தியில் விவாதத்தை ஏற்படுத்தியுள்ளது.