ஹிப் ஹாப் ஆதியை பார்த்து மேடையில் கதறி அழுத மஸ்கட் மாணவி..!

மேடையில் பாடகரும். நடிகருமான ஹிப் ஹாப் ஆதியை பார்த்து மஸ்கட்டை சேர்ந்த மாணவி ஒருவர் கதறி அழுதார்.

வீரன் திரைப்படம் 

ஹிப் ஹாப் ஆதி நடிப்பில் ஏ.ஆர்.கே.சரவன் இயக்கத்தில் சத்யஜோதி ஃபிலிம்ஸ் தயாரிப்பில் உருவாகியுள்ள படம் வீரன். இப்படத்தில் கதாநாயகியாக அதிரா ராஜ் நடிக்க வில்லனாக வினய் ராய் நடித்துள்ளார்.

மேலும் முனீஷ்காந்த், காளி வெங்கட் உள்ளிட்ட பலர் முக்கிய கதாபாத்திரங்களில் நடித்துள்ளனர். இசை பணிகளை ஹிப் ஹாப் ஆதியே கவனித்துள்ளார்.

இப்படம் கடந்த 2 ஆம் தேதி வெளியான நிலையில் நல்ல வரவேற்பை பெற்று வருகிறது. குறிப்பாக ஹீரோ சப்ஜெஸ்ட் என்பதால் குழந்தைகளை வெகுவாக கவர்ந்து வருகிறது.

கதறி அழுத மாணவி 

இதனால் குழந்தைகளுக்கு என சிறப்பு காட்சி திரையிடப்பட்டது. அதில் கலந்து கொண்ட குழந்தைகளை வீரன் பட சூப்பர் ஹீரோ கெட்டப்பில் வந்து ஹிப் ஹாப் ஆதி மகிழ்வித்தார்.

பின்பு அவர்களுடன் புகைப்படம் எடுத்துக் கொண்டு பேசினார். அப்போது ஒரு மாணவி ஆதியை பார்த்ததும் கதறி அழுதார்.

அந்த மாணவி ஆதியிடம் நான் உங்களின் தீவிர ரசிகை. உங்களின் ஆல்பம் மற்றும் திரைப்படங்களை பார்த்து தான் தமிழ் கற்றுக்கொண்டேன் என்று தெரிவித்துள்ளார்.

பின்னர் பேசிய அந்த மாணவி என்னுடைய சொந்த ஊர் பெங்களூரு தமிழ் தான் என் தாய் மொழி ஆனால் மஸ்கட்டில் வளர்ந்ததால் தமிழ் பேச வராது.

ஆதியின் ஆல்பம் மற்றும் தமிழ் மொழியின் ஆவணப்படம் ஆகியவற்றை பார்த்து 1 வருடத்தில் தமிழ் கற்றுக் கொண்டேன் அதற்கு ஆதி உத்வேகமாக இருந்தார் என்று தெரிவித்தார்.