தமிழகத்தில் அர்ச்சகர் படிப்புக்கு விண்ணப்பிக்க என்ன செய்ய வேண்டும்?

திருவண்ணாமலை அருணாச்சலேஸ்வரர் கோயில் சார்பில் நடத்தப்படும் ஓதுவார் பயிற்சி பள்ளியில் சேர விண்ணப்பிக்கலாம் என இந்து அறநிலையத் துறை அறிவித்துள்ளது. 

இதுதொடர்பாக வெளியிட்டுள்ள அறிவிப்பில், "திருவண்ணாமலை அருணாச்சலேஸ்வரர் கோயில் சார்பில் நடத்தப்படும் ஓதுவார் பயிற்சி பள்ளியில் சேர விண்ணப்பிக்கலாம். மூன்று ஆண்டு சான்றிதழ் படிப்பில் சேர்வதற்கு விண்ணப்பிப்பதற்கான கடைசி நாள் அக்டோபர் 27ஆம் தேதி ஆகும்.

தேர்வாகும் மாணவர்களுக்கு இலவச உணவு, இருப்பிடம், உடை, 3 ஆயிரம் ரூபாய் உதவித்தொகை வழங்கப்படும். எட்டாம் வகுப்பு தேர்ச்சிப் பெற்று 20 வயதுக்குள் உள்ள மாணவர்கள் அர்ச்சகர் படிப்புக்கு விண்ணப்பிக்கலாம்.

சமய தீட்சை பெற்றவர்கள், சமய கோட்பாடுகளைக் கடைப்பிடிப்பவர்கள் விண்ணப்பங்களை அனுப்பிவைக்கலாம்" என தெரிவிக்கப்பட்டுள்ளது.