வெற்றி பெறுமா இந்தியா? சென்னையில் இந்தியா - ஆஸ்திரேலியா அணிகள் மோதும் கடைசி போட்டி

சென்னையில் இந்தியா - ஆஸ்திரேலியா அணிகள் இன்று கடைசி போட்டியில் மோத உள்ள நிலையில் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.

தொடரை கைப்பற்றுமா இந்தியா?

இந்தியாவில் சுற்றுப்பயணம் மேற்கொண்டு வரும் ஆஸ்திரேலியா கிரிக்கெட் அணி 3 போட்டிகள் கொண்ட ஒரு நாள் தொடரில் விளையாடி வருகிறது.

இந்த தொடரின் முதல் போட்டி மும்பையில் நடந்தது அந்த ஆட்டத்தில் 5 விக்கெட் வித்தியாசத்தில் வெற்றி பெற்றது.

விசாகப்பட்டினத்தில் நடந்த 2வது ஆட்டத்தில் ஆஸ்திரேலியா 10 விக்கெட் வித்தியாசத்தில் வெற்றி பெற்றது.

இதையடுத்து இந்தியா - ஆஸ்திரேலியா அணிகள் 1-1 என்ற கணக்கில் சமனில் உள்ளது. இந்த தொடரின் கடைசி போட்டி சென்னை சேப்பாக்கத்தில் உள்ள எம்.ஏ.சிதம்பரம் ஸ்டேடியத்தில் இன்று நடைபெறுகிறது.

இந்த போட்டியில் இந்தியா அணி தொடரை கைப்பற்றினால் மட்டுமே தரவரிசை இந்தியா நம்பர் ஒன் இடத்தை தக்க வைப்பதற்கும் அவசியமாகும்.

சென்னையில் 3 ஆண்டுகளுக்கு பிறகு சர்வதேச போட்டி நடைபெறுவதால் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது. 

இன்று நடைபெறும் போட்டியில் மோதும் உத்தேச பட்டியல்

இந்தியா: ரோகித் சர்மா (கேப்டன்), சுப்மன் கில், விராட் கோலி, சூர்யகுமார் யாதவ், லோகேஷ் ராகுல், ஹர்திக் பாண்ட்யா, ரவீந்திர ஜடேஜா, அக்ஷர் பட்டேல், குல்தீப் யாதவ் அல்லது வாஷிங்டன் சுந்தர், முகமது ஷமி, முகமது சிராஜ்.

ஆஸ்திரேலியா:  மிட்செல் மார்ஷ், டிராவிஸ் ஹெட், ஸ்டீவன் சுமித் (கேப்டன்), லபுஸ்சேன், அலெக்ஸ் கேரி, கேமரூன் கிரீன், மேக்ஸ்வெல், மார்கஸ் ஸ்டோனிஸ், சீன் அப்போட் அல்லது ஆஷ்டன் அகர் அல்லது நாதன் எலிஸ், மிட்செல் ஸ்டார்க், ஆடம் ஜம்பா.