இனி தமிழக பாடநூல்களில் பெண்களின் உடல்வாகு குறித்த பாடங்கள் இடம்பெறுமா? நடிகை கஸ்தூரி
தமிழ்நாடு பாடநூல் மற்றும் கல்வியியல் பணிகள் கழகத்தின் தலைவராக திண்டுக்கல் ஐ.லியோனி நியமிக்கப்பட்டுள்ளார். இது குறித்து நடிகை கஸ்தூரி தமது வழக்கமான பாணியில் பங்கமாய் கலாய்த்திருக்கிறார்.
தமிழ்நாடு பாடநூல் கழகம், தமிழகத்தில் உள்ள பள்ளிகளுக்குப் பாடப் புத்தகங்களைத் தயாரித்து, அச்சிட்டு வருகிறது.
இந்தக் கழகத்தின் பாட புத்தகங்கள் அரசு மற்றும் அரசு உதவிபெறும் பள்ளிகளுக்கு இலவசமாகவும், தனியார் பள்ளிகளுக்கு நிர்ணயிக்கப்பட்ட கட்டணத்திலும் வழங்கப்பட்டு வருகிறது.
இந்நிலையில், இந்தக் கழகத்தின் தலைவராக தற்போது திண்டுக்கல் ஐ.லியோனியை தமிழக முதல்வர் மு.க. ஸ்டாலின் நியமித்துள்ளார்.
இதற்கு சமூக வலைதளங்களில் பல்வேறு தரப்பினரும் கடும் கண்டனங்களை தெரிவித்து வருகிறார். இக்கழகத்தின் தலைவராக திண்டுக்கல் ஐ லியோனி நியமிக்கப்பட்டதற்கு நடிகை கஸ்தூரி விமர்சனம் செய்துள்ளார்.
இது குறித்து அவர் வெளியிட்டுள்ள பதிவில், “தமிழக பாடநூல் நிறுவன தலைவராக ஐ.லியோனி நியமனம். சபாஷ்., இதைவிட ஒரு அருமையான தேர்வு இருக்க முடியுமா? தமிழக பாடநூல்களில் திமுகவின் வரலாறு, திராவிட கழகத்தின் சமூகப் பாடங்கள், திரைப்படங்களின் வரிசை, பெண்களின் உடல்வாகு குறித்து பாடங்கள் இடம்பெறும் என்று இனி நாங்கள் எதிர்பார்க்கலாமா?” என்று பதிவிட்டுள்ளார்.
