பிக்பாஸ் சாண்டியின் முன்னாள் மனைவிக்கு திடீர் திருமணம்!

சின்னத்திரையில் இருந்து சினிமாவிற்கு வந்தவர்கள் நிறைய பேர் இருக்கிறார்கள். அதில் சின்னத்திரையிலிருந்து வெள்ளித் திரைக்கு வந்தவர் நடிகை காஜல் பசுபதி.

இவர் சன் மியூஸிக், கலைஞர் தொலைக்காட்சி என பல தொலைக்காட்சி சேனல்களிலும் நிகழ்ச்சி தொகுப்பாளராக பணியாற்றியுள்ளார். கடைசியாக கடந்த 2002ம் ஆண்டு வெளியான ‘கலகலப்பு 2’ படத்தில் நடித்தார்.

அதன் பிறகு, மானாட மயிலாட நிகழ்ச்சியில் பங்கேற்றபோது அதன் கோரியோகிராஃபரான சாண்டியை காதலித்து திருமணம் செய்தார். ஆனால், அடுத்த சில ஆண்டுகளிலேயே இருவரும் கருத்து வேறுபாடு காரணமாக விவாகரத்து செய்துக்கொண்டனர்.

இந்நிலையில், நடிகை காஜல் பசுபதி இரண்டாவது திருமணம் செய்து கொள்ள இருக்கிறார். தனக்கு திருமணம் நிச்சயம் செய்யப்பட்டுள்ளதாக அவரே தனது சமூக வலைதள பக்கத்தில் தகவல் பதிவிட்டுள்ளார்.

இது குறித்து வெளியிட்டுள்ள பதிவில், திடீரென திருமணம் நிச்சயம் செய்யப்பட்டுள்ளது. அடுத்த வாரம் திருமணம்... கொரோனா காரணமாக யாரையும் அழைக்க முடியல... தப்பா எடுத்துக்காதிங்க... என பதிவிட்டுள்ளார்.

இதனை பார்த்த அவரது ரசிகர்கள் காஜலுக்கு வாழ்த்து தெரிவித்து வருகிறார்கள்.