ஈரோடு கிழக்கு இடைத்தேர்தல் வாக்குப்பதிவு - வெளியான 11 மணி வாக்கு நிலவரம்....!

ஈரோடு கிழக்கு தொகுதி இடைத்தேர்தல் வாக்குப்பதிவு இன்று காலை 7 மணிக்கு தொடங்கி விறுவிறுப்பாக நடந்து வருகிறது.

ஈரோடு கிழக்கு இடைத்தேர்தல் வாக்குப்பதிவு

இன்று ஈரோடு கிழக்கு தொகுதி இடைத்தேர்தல் வாக்குப்பதிவு இன்று காலை 7 மணிக்கு தொடங்கி விறுவிறுப்பாக நடந்து வருகிறது. வாக்காளர்கள் நீண்ட வரிசையில் நின்று தங்கள் ஜனநாயக கடமைக்காக வாக்களித்து வருகிறார்கள்.

ஈரோடு கிழக்கு இடைத்தேர்தலில் இன்று காலை 9 மணி வரை 10.10 சதவிகிதம் வாக்குகள் பதிவாகின. இதனையடுத்து, மக்களின் வாக்குப்பதிவு தொடர்ந்து நடந்து வருகிறது. இடைத்தேர்தலில் திமுக கூட்டணியில் காங்கிரஸ் கட்சியின் ஈ.வி.கே.எஸ். இளங்கோவன், அதிமுக கட்சியின் தென்னரசு, தேமுதிக கட்சியின் எஸ். ஆனந்த், நாம் தமிழர் கட்சியின் மேனகா, சுயேட்சைகள் என 77 வேட்பாளர்களாக களத்தில் இறங்கியிருக்கிறார்கள்.

வாக்குப்பதிவு - 11 மணி நிலவரம்

இந்நிலையில், ஈரோடு கிழக்கு தொகுதி இடைத்தேர்தலில் இன்று 11 மணி வரை 27.89% வாக்குப்பதிவு நடைபெற்றுள்ளது. இதில், 63,469 வாக்குகள் பதிவாகி இருக்கின்றன. ஆண் வாக்காளர்கள் 32,562 பேரும், பெண் வாக்காளர்கள் 30,907 பேரும் வாக்குகளை பதிவு செய்திருக்கிறார்கள்.