அதிமுக அவைத்தலைவர் மதுசூதனன் உடலுக்கு தமிழக முதல்வர் மு.க.ஸ்டாலின் நேரில் அஞ்சலி!

அதிமுக அவைத் தலைவரும், கட்சியின் மூத்த தலைவருமான மதுசூதனன் உடல்நலக்குறைவால் நேற்று உயிரிழந்தார். மூச்சுத்திணறல் பிரச்சினையால் அவதிப்பட்டு வந்த அவர் சிகிச்சை பலனின்றி சென்னையில் உள்ள அப்பல்லோ மருத்துவமனையில் இறந்தார்.

அவரது மறைவுக்கு அதிமுக, திமுக கட்சித் தலைவர்கள் நேரில் சென்று இரங்கல் தெரிவித்து அஞ்சலி செலுத்தி வருகின்றனர். இந்நிலையில், சென்னை தண்டையார்பேட்டையில் இல்லத்தில் மதுசூதனன் உடலுக்கு தமிழக முதல்வர் மு.க. ஸ்டாலின் நேரில் அஞ்சலி செலுத்தினார். முதல்வருடன் அமைச்சர்கள் சேகர்பாபு, மா.சுப்பிரமணியன் உள்ளிட்டோரும் மதுசூதனன் உடலுக்கு நேரில் அஞ்சலி செலுத்தினார்கள்.