அமைச்சர் உதயகுமாரின் தந்தை காலமானார்- முதல்வர் பழனிசாமி இரங்கல்

தமிழக வருவாய்துறை அமைச்சர் உதயகுமாரின் தந்தை உடல்நலக்குறைவால் காலமானார்.

தமிழக வருவாய்துறை அமைச்சர் ஆர்.பி.உதயகுமாரின் தந்தை போஸ். கடந்த சில நாட்களுக்கு முன்பு உதயகுமாரின் தந்தை போஸுக்கு உடல்நலக்குறைவு ஏற்பட்டது. இதனையடுத்து, அவர் மருத்துவமனையில் அனுமதிக்கப்பட்டார்.

மருத்துவமனையில் மருத்துவர்கள் அவருக்குச் சிகிச்சை அளித்து வந்த நிலையில் நேற்றிரவு சிகிச்சை பலனின்றி உயிரிழந்தார். தந்தையின் மறைவு செய்தி கேட்டு ஆர்.பி. உதயகுமார் சென்னையிலிருந்து மதுரைக்கு விரைந்துள்ளார்.

இந்நிலையில், அமைச்சர் உதயகுமாரின் தந்தை மறைவுக்கு முதல்வர் பழனிசாமி இரங்கல் தெரிவித்துள்ளார்.

இது குறித்து, அவர் தனது ட்விட்டர் பக்கத்தில் இரங்கல் செய்தியை பதிவிட்டுள்ளார். அதில், மாண்புமிகு வருவாய்,பேரிடர் மேலாண்மை மற்றும் தகவல் தொழில்நுட்பவியல் துறை அமைச்சர் திரு ஆர்.பி.உதயகுமார் அவர்களின் தந்தை திரு. ஆர்.போஸ் அவர்கள் உடல்நலக்குறைவால் இன்று காலமானார் என்ற செய்தியறிந்து மிகுந்த வேதனை அடைந்தேன்.

திரு. ஆர். போஸ் அவர்களை இழந்துவாடும் அவரது குடும்பத்தினருக்கு எனது ஆழ்ந்த இரங்கலை தெரிவித்துக் கொள்வதுடன் அன்னாரது ஆன்மா இறைவன் திருவடி நிழலில் இளைப்பாற எல்லாம்வல்ல இறைவனை பிரார்த்திக்கிறேன்” என்று பதிவிட்டுள்ளார்.

அமைச்சர் உதயகுமாரின் தந்தை உடல் டி.குன்னத்தூரில் பொதுமக்கள் அஞ்சலிக்காக வைக்கப்பட்டுள்ளது. இன்று பிற்பகல் 2 மணிக்கு அம்மா கோவில் வளாகத்திலேயே அவரது உடல் அடக்கம் செய்ய உள்ளதாக தெரிவிக்கப்பட்டுள்ளது. 

மாண்புமிகு வருவாய்,
பேரிடர் மேலாண்மை மற்றும்
தகவல் தொழில்நுட்பவியல் துறை அமைச்சர் திரு ஆர்.பி.உதயகுமார் அவர்களின் தந்தை திரு. ஆர்.போஸ் அவர்கள் உடல்நலக்குறைவால் இன்று காலமானார் என்ற செய்தியறிந்து மிகுந்த வேதனை அடைந்தேன்.(1/2)

— Edappadi K Palaniswami (@EPSTamilNadu) April 26, 2021