செங்கோல் வைக்கப்பட்டது தமிழுக்கே கிடைத்த மகுடம் - தமிழிசை பெருமிதம்!

புதிய நாடாளுமன்றத்தில் செங்கோல் வைப்பது குறித்து பலரும் எதிர்த்த நிலையில் ஆளுநர் தமிழிசை பெருமிதமாக பேசியுள்ளார்.

செங்கோல்

இந்திய தலைநகரான டெல்லியில் புதிதாக கட்டப்பட்டுள்ள நாடாளுமன்றத்தை பிரதமர் மோடி நேற்று திறந்து வைத்தார்.

ஆதினங்களிடம் இருந்து பெற்ற செங்கோலைபுதிய நாடாளுமன்ற மக்களவைக்குள் சென்று பிரதமர் மோடி நிறுவினார்.

புதிய நாடாளுமன்ற கட்டிடத்தின் சபாநாயகர் இருக்கைக்கு அருகில் கண்ணாடி பெட்டிக்குள் செங்கோலை பிரதமர் மோடி நிறுவினார்.

இதனை சிலர் எதிர்த்தும், சிலர் பாராட்டியும் வருகின்றனர், இது கலவையான விமர்சனங்களை பெற்று வருகிறது.

தமிழிசை

இந்நிலையில், புதிய நாடாளுமன்றத்தில் பிரதமர் மோடி வாய்த்த செங்கோல் குறித்து புதுச்சேரி துணை ஆளுநர் தமிழிசை சவுந்தரராஜன் கூறியுள்ளார்.

அதில் அவர், "செங்கோல் வைப்பது தமிழுக்கு கிடைத்த மகுடம்.

தமிழுக்கும், தமிழர்களுக்கும் பெருமை சேர்க்கும் வகையில் புதிய நாடாளுமன்றத்தில் நீதி வழுவாத செங்கோலை நிறுவிய பிரதமர் நரேந்திர மோடிக்கு எனது மனப்பூர்வமான நன்றிகளை தெரிவித்துக்கொள்கிறேன்" என்று கூறினார்.

மேலும், அவர் நாடாளுமன்ற திறப்புவிழாவை புறக்கணித்தவர்கள் தமிழ் கலாச்சாரத்திற்கு வரலாற்று பிழையை ஏற்படுத்தியுள்ளனர் என்றும் தெரிவித்துள்ளார்.