வாகன தயாரிப்பில் தமிழ்நாடு முதலிடம் – முதலமைச்சர் ஸ்டாலின் பெருமிதம்

ஹூண்டாய் நிறுவனம் இந்தியாவிலேயே கார் உற்பத்தி மற்றும் ஏற்றுமதியில் 2ம் இடத்தில் உள்ளது என முதலமைச்சர் ஸ்டாலின் தெரிவித்துள்ளார்.

முதலமைச்சர் ஸ்டாலின் 

சென்னை ஆர்.ஏ.புரம் பகுதியில் உள்ள தனியார் விடுதியில் முதலமைச்சர் மு.க.ஸ்டாலின் முன்னிலையில் தமிழக அரசு மற்றும் ஹுண்டாய் நிறுவனம் இடையே ஒப்பந்தம் கையெழுத்தானது. அப்போது, 20 ஆயிரம் கோடி ரூபாய் முதலீட்டில் ஹுண்டாய் தொழிற்சாலையை நவீன மயமாக்கல், மின்னேற்று நிலையங்கள், நவீன வகை கார்கள் உருவாக்குதல் ஆகிய பணிகளை மேற்கொள்ள ஒப்பந்தம் மேற்கொள்ளப்பட்டது.

[ 

மின்வாகன உற்பத்தியில் முதலிடம் 

இந்த நிகழ்வில் பேசிய முதல்வர், ஹூண்டாய் நிறுவனம் இந்தியாவிலேயே கார் உற்பத்தி மற்றும் ஏற்றுமதியில் 2ம் இடத்தில் உள்ளது. வாகன தயாரிப்பில் தமிழ்நாடு இந்தியாவிலேயே முதலிடத்தில் உள்ளது. தற்போது மின்வாகன உற்பத்தியிலும் முன்னணியில் உள்ளது.

இதற்கு தமிழ்நாடு அரசின் ஆக்கப்பூர்வமான செயல்பாடு முக்கிய காரணம் மின் ஊர்தி வாகன உறத்தியிலும் தமிழ்நாட்டை தேர்வு செய்திருப்பது மகிழ்ச்சியளிக்கிறது.தொழில்துறை அமைச்சராக பொறுப்பேற்றுள்ள டி.ஆர்.பி.ராஜா சிறப்பாக செயல்படுவார் என உறுதியளிக்கிறேன் என தெரிவித்துள்ளார்.