அம்பானி வீட்டில் விநாயகர் சதுர்த்தி; களைகட்டிய விழாவில் கலந்து கொண்ட தமிழ் பிரபலங்கள்!
Jiyath
in பிரபலங்கள்
தொழிலதிபரான அம்பானியின் வீட்டில் நடந்த விநாயகர் சதுர்த்தி விழாவில் தமிழ் பிரபலங்கள் கலந்து கொண்டனர்.
விநாயகர் சதுர்த்தி
பிரபல தொழிலதிபரும், ரிலையன்ஸ் குழுமத்தின் தலைவருமாக இருப்பவர் முகேஷ் அம்பானி. இவருக்கு மும்பையில் 'அன்டிலியா இல்லம்' என்று அழைக்கப்படும் பிரம்மாண்டமான வீடு உள்ளது. 27 மாடிகளைக் கொண்ட இந்த வீட்டில் நீச்சல் குளம் முதல் ஹெலிகாப்டர் வரை பல ஆடம்பர வசதிகள் உள்ளது.
நாடு முழுவதும் விநாயகர் சதுர்த்தியை கொண்டாடி வரும் நிலையில், முகேஷ் அம்பானியின் அன்டிலியா வீட்டிலும் விநாயகர் சதுர்த்தி விழா கொண்டாடப்பட்டது. இந்த விழாவில் பல்வேறு திரைப் பிரபலங்கள், விளையாட்டு வீரர்கள், அரசியல் பிரபலங்கள் மற்றும் முக்கிய வி.வி.ஐ.பி.க்கள் கலந்து கொண்டனர்.
பிரபலங்கள்
அதில் "ஷாரூக்கான், ரன்வீர் சிங், தீபிகா படுகோனே, அலியா பட், இயக்குநர் அயன் முகர்ஜி, ஐஸ்வர்யா ராய், சல்மான் கான், கியாரா அத்வானி, சித்தார்த் மல்கோத்ரா, விக்கி கௌஷல், அஜய் தேவ்கன், ரோகித் ஷெட்டி, ஷ்ரத்தா கபூர், மௌனி ராய், திஷா பதானி, அனில் கபூர், ஹேமமாலினி, அனன்யா பாண்டே, ராஷ்மிகா மந்தனா, ரேகா, உள்ளிட்ட பலரும் கலந்துக் கொண்டனர்.
மேலும், முன்னாள் கிரிக்கெட் வீரர் சச்சின் டெண்டுல்கர், இந்திய அணி வீரர் கே.எல்.ராகுல், தமிழ் சினிமா பிரபலங்களான இயக்குநர் அட்லி - ப்ரியா, விக்னேஷ் சிவன் - நயன்தாரா உள்ளிட்டவர்கள் குடும்பத்தினரோடு கலந்து கொண்டனர். பாரம்பரியத்தை வெளிப்படுத்தும் வகையிலான உடைகள் அணிந்து வந்திருந்தனர். இதன் புகைப்படங்கள், வீடியோக்கள் இணையத்தில் வைரலாகி வருகிறது.
