டி20 உலகக் கோப்பை போட்டி - அயர்லாந்தை வீழ்த்தி ஆஸ்திரேலியா அணி அபார வெற்றி...!

இன்று நடைபெற்ற T20 உலகக் கோப்பை போட்டியில் அயர்லாந்தை வீழ்த்தி ஆஸ்திரேலியா அணி அபார வெற்றி பெற்றுள்ளது.

T20 உலக கோப்பை கிரிக்கெட் போட்டி -

ஆஸ்திரேலியாவில் இந்த ஆண்டு 8-வது டி 20 ஓவர் உலக கோப்பை போட்டி கடந்த 16-ம் தேதி முதல் தொடங்கி நடைபெற்று வருகிறது.

8-வது டி-20 ஓவர் உலக கோப்பை போட்டியில் மொத்தம் 16 நாடுகள் கலந்து கொள்ள உள்ளன. நடப்பு சாம்பியன் ஆஸ்திரேலியா, இந்தியா, இங்கிலாந்து, நியூசிலாந்து, தென் ஆப்பிரிக்கா, பாகிஸ்தான், ஆப்கானிஸ்தான், வங்கதேசம் ஆகிய 8 நாடுகள் நேரடியாக சூப்பர் 12 சுற்றில் விளையாட இருக்கிறது.

அயர்லாந்தை வீழ்த்தி ஆஸ்திரேலியா வெற்றி

T20 உலகக் கோப்பை போட்டியில் ஆஸ்திரேலியா - அயர்லாந்து சூப்பர் 12 சுற்றில் நேருக்கு நேர் மோதிக் கொண்டது. இப்போட்டியில் முதலில் டாஸ் வென்ற அயர்லாந்து கேப்டன் பால்பிர்னி ஃபீல்டிங்கை தேர்வு செய்தார்.

இதைத் தொடர்ந்து விளையாடிய ஆஸ்திரேலிய அணி, 20 ஓவரில் 179 ரன்களை குவித்து 180 ரன்கள் என்ற கடின இலக்கை அயர்லாந்துக்கு நிர்ணயித்தது.

இதனையடுத்து களமிறங்கிய அயர்லாந்து வீரர்கள், ஆஸ்திரேலிய அணியின் பந்துவீச்சை சமாளிக்க முடியாமல் திணறினர். சிறிய இடைவெளியில் அடுத்தடுத்து விக்கெட்களை பறிகொடுத்தனர்.

இப்போட்டியின் இறுதியில், அயர்லாந்து 18.1 ஓவர்களில் 137 ரன்களுக்கு அனைத்து விக்கெட்களையும் இழந்து தோல்வியடைந்தது. இதனால், ஆஸ்திரேலியா அணி 42 ரன்கள் வித்தியாசத்தில் அபார வெற்றி பெற்றது.

ஆஸ்திரேலியா அணி இத்தொடரில் 2-வது வெற்றியை பதிவு செய்துள்ளது. இதன் மூலம் அந்த அணி குரூப் ஏ புள்ளி பட்டியலில் 5 புள்ளிகளுடன் -வது இடத்துக்கு முன்னேறி சென்றுள்ளது.