டி20 உலகக்கோப்பை போட்டியில் வெற்றிபெறும் அணிக்கு எவ்வளவு பரிசுத்தொகைன்னு தெரியுமா? ஐசிசி அறிவிப்பு

டி20 உலகக்கோப்பை போட்டியில், கோப்பை வெல்லும் அணிக்கு பரிசுத்தொகையை ஐசிசி அறிவித்துள்ளது.

20 ஓவர் உலக கோப்பை கிரிக்கெட் போட்டி

ஆஸ்திரேலியாவில் இந்த ஆண்டு 7-வது டி 20 ஓவர் உலக கோப்பை போட்டி அக்டோபர் 16-ம் தேதி முதல் நவம்பர் 13-ம் தேதி வரை நடைபெற உள்ளது. 8-வது டி-20 ஓவர் உலக கோப்பை போட்டியில் மொத்தம் 16 நாடுகள் கலந்து கொள்ள உள்ளன.

நடப்பு சாம்பியன் ஆஸ்திரேலியா, இந்தியா, இங்கிலாந்து, நியூசிலாந்து, தென் ஆப்பிரிக்கா, பாகிஸ்தான், ஆப்கானிஸ்தான், வங்கதேசம் ஆகிய 8 நாடுகள் நேரடியாக சூப்பர் 12 சுற்றில் விளையாட இருக்கிறது.

பரிசுத்தொகை

இந்நிலையில், 20 ஓவர் உலக கோப்பையை வெல்லும் அணிக்கான பரிசுத் தொகை எவ்வளவு என்பதை ஐ.சி.சி. தற்போது அறிவித்திருக்கிறது.

சாம்பியன் அணிக்கு 1.6 மில்லியன் அமெரிக்க டாலர் (இந்திய ரூபாய் மதிப்பில் 13,04,90,640) பரிசு வழங்கப்படும் என்று தெரிவித்திருக்கிறது.

2-வது இடத்தை பிடிக்கும் அணிக்கு 8 லட்சம் அமெரிக்க டாலரும், அரையிறுதியில் தோல்வியுறும் அணிகளுக்கு தலா 4 லட்சம் அமெரிக்க டாலரும் வழங்கப்படும் என்று தெரிவித்துள்ளது.

இப்போட்டியில் வெற்றி பெறும் அணிகளுக்கு 40 ஆயிரம் டாலர்களும், சூப்பர் 12 சுற்றில் இருந்து வெளியேறும் 8 அணிகளுக்கு தலா 70 ஆயிரம் அமெரிக்க டாலர்களும் வழங்கப்படம். இத்தொடரின் மொத்த பரிசுத் தொகை 5.6 மில்லியன் (இந்திய பண மதிப்பில் ரூ. 45,67,17,240) என்று ஐசிசி தெரிவித்திருக்கிறது.