ஹால் டிக்கெட்டில் சன்னி லியோன் படம் - செம ஷாக்கில் பெண்!

தேர்வு ஹால் டிக்கெட்டில் நடிகை சன்னி லியோனின் புகைப்படம் இருந்த சம்பவம் அதிர்ச்சியை ஏற்படுத்தியுள்ளது.

ஹால் டிக்கெட்

கர்நாடகாவில், ஆசிரியர் தகுதி தேர்வு நடைபெற்றது. இதில், தேர்வுக்காக விண்ணபித்த மாணவி ஒருவர் தனது ஹால் டிக்கெட்டைப் பதிவிறக்கம் செய்யும்போது அதில் தனது புகைப்படத்திற்கு பதிலாக நடிகையான சன்னி லியோனின் புகைப்படம் இடம்பெற்றுள்ளது.

இதனால், அதிர்ச்சியடைந்த அந்த மாணவி, தான் தேர்வு எழுதும் கல்லூரி அதிகாரிகளிடம் தெரிவித்துள்ளார். தொடர்ந்து, சைபர் கிரைம் போலீஸில் புகாரளித்துள்ளனர். அதனையடுத்து, இது தொடர்பான புகைப்படம் வெளியாகி வைரலாகி வருகிறது.

சன்னி லியோன் படம்

மேலும், இதுகுறித்து கூறிய அம்மாநில கல்வித்துறை, "விண்ணப்பதாரர்கள் விண்ணப்பிக்கும் போது அவர்களுக்கு user ID and password உருவாக்கப்படுகிறது. இதில் விண்ணப்பதாரர்களைத் தவிர வேறுயாரும் உள்நுழைய முடியாது. அவர்கள் என்ன புகைப்படத்தை பதிவேற்றம் செய்கிறார்களோ அதைக் கணினி எடுத்துக்கொள்ளும்.

எனவே, இதில் எங்கள் நிர்வாகத்தின் பங்கு ஏதுமில்லை. சம்பந்தப்பட்ட விண்ணப்பதாரர்களின் பங்களிப்பு மட்டுமே இதில் இருக்க வாய்ப்பிருக்கிறது. இது குறித்து ஊடகங்கள் வெளியிடும் செய்திகளுக்கும் எங்களுக்கும் எந்த சம்மந்தமும் இல்லை.

இருப்பினும், இந்த விவகாரத்தை விசாரித்து, சம்பவத்திற்கு காரணமானவர்கள் மீது நடவடிக்கை எடுக்குமாறு போலீஸாரிடம் புகார் அளித்திருக்கிறோம்" என விளக்கமளித்துள்ளது.