சமையல் பாத்திரம் கழுவிய மாணவிகள்.. பள்ளியில் நடந்த அதிர்ச்சி சம்பவம் - வீடியோ வைரல்!
பள்ளி மாணவிகள் சமையல் பாத்திரங்களைக் கழுவிய வீடியோ இணையத்தில் வெளியாகி சர்ச்சையை ஏற்படுத்தி உள்ளது.
பள்ளி மாணவிகள்
கள்ளக்குறிச்சி மாவட்டம் கல்வராயன்மலை அடுத்த இன்னாடு கிராமத்தில் அரசு மலைவாழ் உண்டு உறைவிட தொடக்கப்பள்ளி இயங்கி வருகிறது.இந்த பள்ளியில் பல்வேறு பகுதிகளிலிருந்து மாணவர்கள் பள்ளிக்கு வருகின்றனர்.
மேலும் 100-க்கும் மேற்பட்ட மாணவ-மாணவிகள் அங்கே உள்ள விடுதியில் தங்கிப் படித்து வருகின்றனர்.இதற்காக அரசு சார்பில் மாணவர்களுக்கு அருகில் உள்ள சமையல் அறையில் உணவு சமைக்கப்பட்டு வழங்கப்பட்டு வருகிறது.
அந்த சமையல் செய்யும் பாத்திரங்களைப் பள்ளியில் தங்கிப் படிக்கும் மாணவிகளே சமையல் பாத்திரங்களைக் கழுவி வந்ததாகக் கூறப்படுகிறது. இந்த நிலையில் சம்பத்தன்று உணவு செய்யப்பட்ட சமையல் பாத்திரங்களைப் பள்ளியில் படிக்கும் மாணவிகளே கழுவியதை ஒருவர்,
வீடியோ
தனது செல்பானில் வீடியோ எடுத்து, சமூக வலைத்தளங்களில் பதிவேற்றம் செய்துள்ளார். இந்த வீடியோ தற்போது வைரலாகி பரபரப்பை ஏற்படுத்தி உள்ளது. இதைப் பார்த்து பொதுமக்கள், சமூக ஆர்வலர்கள் என பல்வேறு தரப்பில் கண்டனங்கள் எழுந்தது.
இந்த சம்பவத்திற்கு நடவடிக்கை எடுக்க வேண்டும் எனக் கோரிக்கை வைத்தனர் இதனையடுத்து கள்ளக்குறிச்சி மாவட்ட பழங்குடியினர் நல அலுவலர் சுந்தரம் பள்ளி சமையலர் ராதிகா ஆகியோரை பணியிடை நீக்கம் செய்து உத்தரவிட்டுள்ளார்.
