மொழி உணர்வு என்பது தமிழருக்கு குருதி போன்றது - மெய்சிலிர்க்க பேசிய முதல்வர்!

தமிழக முதல்வர் ஒரு விழாவில் காணொளி மூலம் கலந்துகொண்டு உணர்ச்சிமிக்க பேசியுள்ளார்.

தமிழ் பெருவிழா

கலிபோர்னியாவில் வட அமெரிக்கா தமிழ் சங்கப் பேரவையின் 36வது தமிழ் பெருவிழா நடைபெற்றது. இந்த விழாவில் காணொளி காட்சி மூலமாக முதல்-அமைச்சர் மு.க.ஸ்டாலின் கலந்துகொண்டு பேசினார்.

அதில் அவர் கூறுகையில், "இந்திய துணை கண்டத்தின் வரலாறு இனி தமிழ் நிலத்தில் இருந்து எழுதப்பட வேண்டும். மொழி உணர்வு என்பது தமிழருக்கு குருதி போன்றது. தமிழ் நமக்கு மொழியாக மட்டுமல்லாமல் உயிராக, போராட்டத்தின்போது வாளாக உள்ளது" என்று கூறியுள்ளார்.

ஸ்டாலின் உரை

இந்நிலையில், தொடர்ந்து அவர், "மொழியின் பெயரில் வாரிசுகளுக்கு பெயர் வைக்கும் இனம் தமிழினம் மட்டுமே. தமிழ் மொழி எப்போதும், எல்லோரையும் வாழ வைக்கும். மொழியின் பெயரை பெயராக வைப்பதில் தமிழர்கள் முன்னோடி.

மொழி என்பது நமக்கு எழுத்தா இல்லாமல் ரத்தமாக உள்ளது. தமிழ்நாடு அரசு தொல்லியல் ஆய்வுகளுக்கு ஊக்கமளிக்கும் அரசாக அமைந்துள்ளது. இந்தியாவிலேயே அதிகளவு கல்வெட்டுகள் கண்டுபிடிக்கப்பட்டது தமிழ்நாட்டில் தான்" என்று கூறியுள்ளார்.