ஆஷஸ் தொடர் : முதல் டெஸ்ட் போட்டிக்கான லெவன் அணியை அறிவித்தார் கேப்டன் பாட் கம்மின்ஸ்
இங்கிலாந்துக்கு எதிரான ஆஷஸ் தொடரின் முதல் டெஸ்ட் போட்டிக்கான லெவன் அணியை ஆஸ்திரேலியா அறிவித்துள்ளது.
2 வருடங்களுக்கு ஒருமுறை வரும் ஆஷஸ் தொடரில் ஆஸ்திரேலியா, இங்கிலாந்து அணிகள் மோதிக் கொண்டு வருகிறது. இந்த வருடம் ஆஷஸ் தொடர் டிசம்பர் 8ம் தேதி ஜனவரி 27ம் தேதி வரை நடைபெற இருக்கிறது.
இத்தொடரில் மொத்தம் 5 டெஸ்ட் போட்டிகள் நடக்க இருக்கிறது. கடந்த 2019ம் ஆண்டில் நடைபெற்ற ஆஷஸ் தொடர் 2-2 என சமனில் முடிந்ததால் இந்த வருடம் நடைபெறவுள்ள ஆஷஸ் தொடர் ரசிகர்கள் மத்தியில் பெரும் எதிர்பார்ப்பை ஏற்படுத்தி இருக்கிறது.
இதனையடுத்து, முதல் ஆஷஸ் டெஸ்ட் போட்டிக்கான தனது ஆடும் லெவன் அணியை கேப்டன் பாட் கம்மின்ஸ் அறிவித்திருக்கிறார்.
ஆஸ்திரேலியா அணி வீரர்கள் -
மார்கஸ் ஹாரிஸ், டேவிட் வார்னர், மார்னஸ் லாபுஷாக்னே, ஸ்டீவ் ஸ்மித், டிராவிஸ் ஹெட், கேமரூன் கிரீன், அலெக்ஸ் கேரி (விக்கெட் கீப்பர்), பாட் கம்மின்ஸ் (கேப்டன்), மிட்செல் ஸ்டார்க், நாதன் லியான், ஜோஷ் ஹேசில்வுட் ஆகியோர் இடம்பெற்றிருக்கிறார்கள். ஆஷஸ் தொடரில் நடைபெற்ற 335 டெஸ்ட்களில் 136ல் ஆஸ்திரேலியாவும், 108-ல் இங்கிலாந்து அணியும் வென்றி பெற்றுள்ளது என்பது குறிப்பிடத்தக்கது.