நடிகை குஷ்பூவிற்கு சிறப்பு பூஜை.. அதிர்ஷ்டமாக உணர்கிறேன் - வைரலாகும் பதிவு!
Vinothini
in பிரபலங்கள்
நடிகைக்கு சிறப்பு பூஜை செய்ததாக அவர் வெளியிட்ட பதிவு தற்பொழுது வைரலாகி வருகிறது.
நடிகை குஷ்பூ
தமிழ் சினிமாவில் 90ஸ் களில் பிரபல முன்னணி நடிகையாக வலம் வந்தவர் நடிகை குஷ்பு. இவர், ரஜினிகாந்த், கமல், பிரபு, சத்தியராஜ், சரத்குமார் என டாப் நடிகர்கள் பலருடனும் நடித்துள்ளார். இதேபோல் தெலுங்கு சினிமாவிலும் முன்னணி நடிகர்கள் பலருக்கும் ஜோடியாக நடித்துள்ளார்.
இந்தி, மலையாளம், கன்னடம் உள்ளிட்ட மொழிகளிலும் நடித்துள்ளார். பின்னர் இயக்குநர் சுந்தர்.சி-யை காதலித்து திருமணம் செய்துக்கொண்டார். இவர்களுக்கு இரண்டு மகள்கள் உள்ளனர், இவர் சீரியல் மற்றும் திரைப்படங்களில் நடித்து கலக்கிவந்தார். இவர் தற்போது தேசிய மகளிர் ஆணைய உறுப்பினராக உள்ளார், மேலும், அரசியலிலும் தீவிரம் காட்டி வருகிறார்.
பூஜை
இந்நிலையில், திருச்சூர் விஷ்ணுமாயா கோவிலில் நடிகை குஷ்பு கட்டளைதாரராக நியமிக்கப்பட்டுள்ளார். ஒவ்வொரு ஆண்டும், இந்த கோயிலில் சிறப்பு பூஜை செய்ய வருடத்திற்கு ஒரு பெண், கட்டளைதாரராக நியமிக்கப்படுவார். இந்தமுறை நடிகை குஷ்பு நியமிக்கப்பட்டுள்ளார், அதனால் அவருக்கு சிறப்பு பூஜை செய்தனர்.
இது குறித்து அவர் தனது இன்ஸ்டாகிராம் பக்கத்தில், "திருச்சூரில் உள்ள விஷ்ணுமாயா அதில் நடைபெற்ற நாரிபூஜை செய்ய நான் அழைக்கப்பட்டதை மிகவும் அதிர்ஷ்டமாக உணர்கிறேன். தேர்ந்தெடுக்கப்பட்டவர்கள் மட்டுமே இங்கு அழைப்பார்கள். தெய்வமே அந்த நபரைத் தேர்ந்தெடுப்பதாக அவர்கள் நம்புகிறார்கள்.
இப்படி ஒரு பெருமையை எனக்கு வழங்கிய கோயிலில் உள்ள அனைவருக்கும் எனது நன்றிகள். தினமும் பிரார்த்தனை செய்பவர்களுக்கும், நம்மைக் காக்க ஒரு சூப்பர் சக்தி இருப்பதாக நம்புபவர்களுக்கும் இது இன்னும் பல நல்ல விஷயங்களைக் கொண்டு வரும் என்று நான் நம்புகிறேன்" என்று கூறி தனது சந்தோசத்தை வெளிப்படுத்தியுள்ளார்.
