வீரப்பன் அப்பாவை கடத்திய போது..ரஜினி செய்த உதவி - எமோஷனலான சிவராஜ்குமார்

கன்னட நடிகர் ராஜ்குமாரை வீரப்பன் கடத்திய போது, ரஜினி தங்கள் குடும்பத்திற்கு செய்த உதவியை நெகிழ்ச்சியுடன் சிவராஜ்குமார் பகிர்ந்துகொண்டுள்ளார்.

பிரபலமான சிவராஜ்குமார் 

கன்னட திரையுலகின் சூப்பர்ஸ்டாராக வளம் வரும் சிவராஜ்குமார் பெரும்பாலான தமிழ் ரசிகர்கள் அறிந்திருப்பது அரிதான விஷயமாகவே இருந்து வந்தது. ஆனால், அதனை ஜெயிலர் திரைப்படம் மாற்றியுள்ளது. ரஜினி நடிப்பில் வெளியான ஜெயிலர் படத்தில் கேமியோவாக வந்த சிவராஜ்குமார் மொத்தமாக 5 நிமிடங்கள் கூட படத்தில் இல்லை என்றாலும், அவரின் மாஸான கதாபாத்திரம் ரசிகர்களை பெரியளவில் கவர்ந்தது.

பலரும் சோசியல் மீடியாவில் #Shivanna என்ற hashtag'இல் fire விட்டு வரும் நிலையில், சிவராஜ்குமாரும் தற்போது தமிழ் ஊடகங்களுக்கு நிறைய பேட்டிகளை அளித்து வருகின்றார்.  

ரஜினியின் உதவியை மறக்கமாட்டோம் 

அவ்வாறான ஒரு பேட்டியில் அவர் ரஜினி தங்களது குடும்பத்திற்கு செய்த உதவியை நெகிழ்ச்சியுடன் பகிர்ந்துகொண்டுள்ளார். கன்னட திரையுலகின் முடிசூடா மன்னனாக வளம் வந்தவர் ராஜ்குமார். கன்னடரான ரஜினிகாந்திற்கு மிகவும் பிடித்த நடிகரும் ராஜ்குமாரே.

அவரை சந்தனக்கடத்தல் வீரப்பன் கடத்தியது தமிழகம், கர்நாடகம் இரு மாநிலத்திலும் பெரும் அதிர்வலைகளை ஏற்படுத்தியது. அந்த நேரத்தில் தங்கள் குடும்பத்துக்கு ரஜினிகாந்த் நிறைய உதவிகளை செய்துள்ளார் என கூறிய சிவராஜ்குமார், அவற்றையெல்லாம் எப்போதும் மறக்க மாட்டோம் என்று தெரிவித்துள்ளார்.