உலகம் முழுக்க 100 கோடிக்கு மேல் வசூல் செய்த டாக்டர் திரைப்படம் - ரசிகர்கள் உற்சாகம்

நடிகர் சிவகார்த்திகேயன் நடிப்பில் வெளியான டாக்டர் திரைப்படம் 100 கோடி ரூபாய் வசூலை தாண்டியுள்ளது என படக்குழு அதிகாரபூர்வமாக அறிவித்துள்ளது.

ஹீரோ படத்திற்குப் பிறகு நெல்சன் திலீப்குமார் இயக்கத்தில் சிவகார்த்திகேயன் டாக்டர் திரைப்படத்தில் நடித்திருந்தார். கடந்த அக்டோபர் 9 ஆம் தேதி உலகம் முழுக்க தியேட்டர்களில் வெளியான இப்படம் சூப்பர் ஹிட் அடித்து தற்போதுவரை வெற்றிக்கரமாக திரையில் ஓடிக்கொண்டிருக்கிறது.

இந்த திரைப்படத்தில், பிரியங்கா அருள்மோகன் ஹீரோயினாக நடித்துள்ளார். மேலும், காமெடி நடிகர் யோகி பாபு, ரெடின் கிங்ஸ்லி, தீபா, அர்ச்சனா உள்ளிட்டோர் நடிப்பில் கவனம் ஈர்த்தார்கள்.

கடந்த 27 ஆம் தேதி கேரளாவிலும் டாக்டர் வெளியிடப்பட்டது. அங்கும் ஹவுஸ்ஃபுல்லாக ஓடி வெளியான இரண்டே நாளில் 66 லட்சம் வசூலைக் குவித்தது.

இந்த நிலையில், டாக்டர் உலகம் முழுக்க வசூலில் 100 கோடியை தாண்டியது என்று அப்படத்தை தயாரித்த கேஜேஆர் ஸ்டூடியோஸ் நிறுவனம் அதிகாரபூர்வமாக அறிவித்திருக்கிறது.

Entering the 25th Day with a bang! Your favourite entertainer #DOCTOR joins the 100 crore club?

Thank you for the overwhelming support and love. You made this happen ♥️ #DOCTORHits100Crs #MegaBlockBusterDOCTOR @Siva_Kartikeyan @Nelsondilpkumar @anirudhofficial @SKProdOffl pic.twitter.com/pj2wkTkm7G

— KJR Studios (@kjr_studios) November 2, 2021