மக்களின் சேவைக்காக நவீன வசதிகொண்ட ஆம்புலன்ஸ் வழங்கிய சிவகார்த்திகேயன் - குவியும் வாழ்த்து

தமிழ் சினிமாவில் முன்னணி நடிகராக வலம் வருபவர் நடிகர் சிவகார்த்திகேயன்.

தற்போது இவர் நடித்துள்ள ‘டான்’ திரைப்படத்தின் டிரைலர் படக்குழுவினர் வெளியிட்டுள்ளனர். அறிமுக இயக்குநரான சிபி சக்கரவர்த்தி இயக்கியுள்ள ‘டான்’ படத்தில் சிவகார்த்திகேயன், பிரியங்கா மோகன், எஸ்ஜே சூர்யா, சமுத்திரகனி உள்ளிட்டோர் நடித்துள்ளனர்.

இப்படத்தை சிவகார்த்திகேயன் புரொடக்ஷன்ஸ் மற்றும் லைகா நிறுவனம் இணைந்து படத்தைத் தயாரித்துள்ளது. இப்படத்திற்கு அனிருத் இசையமைத்துள்ளார். இப்படம் நாளை வெளியாகவுள்ளதால், படத்துக்கான விளம்பரப் பணிகளில் படக் குழு தீவிரம் காட்டி வருகிறது.

தனது தந்தையின் பெயரில் நடத்தி வரும் ‘தாஸ் அறக்கட்டளை’ மூலம் குறிப்பிடத்தகுந்த சமூக சேவை செய்வதை வழக்கமாக கொண்டுள்ளார் சிவகார்த்திகேன்.

இந்நிலையில், சிவகங்கை மாவட்ட மக்களின் சேவைக்காக ரூ.21 லட்சம் மதிப்புள்ள நவீன வசதிகள் கொண்ட ஆம்புலன்சை நடிகர் சிவகார்த்திகேயன் வழங்கியுள்ளார்.

தற்போது, நடிகர் சிவகார்த்திகேயனின் இந்த சேவை மனசுக்கு சமூகவலைத்தளங்களில் இவரது ரசிகர்கள் வாழ்த்து தெரிவித்து வருகின்றனர்.