நடிகர் சிவகார்த்திகேயனின் கனவு கன்னி பற்றி மேடையில் பேசிய பாலா..!

நடிகர் சிவகார்த்திகேயன் நடிப்பில் வெளியாகவுள்ள டான் திரைப்படத்தின் டிரைலர் நேற்று வெளியானது.

அறிமுக இயக்குநரான சிபி சக்கரவர்த்தி இயக்கியுள்ள டான் படத்தில் சிவகார்த்திகேயன், பிரியங்கா மோகன், எஸ்ஜே சூர்யா, சமுத்திரகனி உள்ளிட்டோர் நடித்துள்ளனர்.

இந்தப் படத்தை சிவகார்த்திகேயன் புரொடக்ஷன்ஸ் மற்றும் லைகா நிறுவனம் இணைந்து படத்தைத் தயாரித்துள்ளன. அனிருத் இசையமைத்துள்ளார்.

சிவகார்த்திகேயன், அனிருத் காம்போவில் இதுவரை வெளியாகியுள்ள பாடல்கள் அனைத்தும் வழக்கம்போல் ஹிட் அடித்துள்ளன.

படம் மே 13-ம் தேதி வெளியாகவுள்ளதால், படத்துக்கான விளம்பரப் பணிகளில் படக் குழு தீவிரம் காட்டி வருகிறது.

இந்நிலையில் படக்குழுவினர் இன்று செய்தியாளர் சந்திப்பு நிகழ்ச்சியை நடத்தினர். அப்போது டான் திரைப்படத்தில் நடித்துள்ள நடிகர் பாலா பேசினார் அப்போது அவர் தான் பிறந்த வருடங்களை நினைவு கூர்ந்தார்.

பின்பு டான் திரைப்படம் முற்றிலும் கல்லுாரி படிப்பை மையமாக வைத்து எடுக்கப்பட்டது என்றும்,இது 80ஸ்,90ஸ்,2K கிட்ஸ் அனைவருக்கும் பிடிக்கும் என்றார்.

பின்னர் நிகழ்ச்சி தொகுப்பாளர் நடிகர் பாலாவிடன் உங்களின் கனவு என்ன என்று கேள்வி எழுப்பினார். அப்போது அவர்,தனக்கு காலேஜ் படிக்கும் வரை கனவு என்பது எதுவும் இல்லை என்றார்.

தனக்கு கனவு கன்னிகள் நிறையா பேர் இருப்பதாக தெரிவித்த அவர்,இது நடிகர் சிவகார்த்திகேயனுக்கும் தெரியும் என்றார். மேலும் அவர்,நடிகர் சிவகார்த்திகேயனின் கனவு கன்னி யார் என்பது தனக்கு தெரியும் என்று பேசினார்.