பத்மஸ்ரீ விருது வென்ற புகழ்பெற்ற பாடகி பாஜகவில் இணைந்தார்!
Jiyath
in பிரபலங்கள்
இந்தி திரையுலகின் புகழ்பெற்ற பின்னணி பாடகி அனுராதா பட்வால் இன்று பாஜகவில் இணைந்துள்ளார்.
அனுராதா பட்வால்
நாடாளுமன்ற தேர்தல் நெருங்கி வரும் நிலையில், அரசியல் கட்சிகள் கூட்டணி, தொகுதிப் பங்கீடு, வேட்பாளர்கள் தேர்வு என தேர்தல் பணிகளில் தீவிரமாக ஈடுபட்டு வருகின்றனர்.
இந்நிலையில் மற்ற காட்சிகளை சேர்ந்த பிரமுகர்களும், திரை பிரபலங்களும் பாஜகவில் இனைந்து வருகின்றனர். அந்த வகையில் இந்தி திரையுலகின் புகழ்பெற்ற பின்னணி பாடகி அனுராதா பட்வால் இன்று பாஜகவில் இணைந்துள்ளார்.
பாஜகவில் இணைந்தார்
டெல்லியில் உள்ள பாஜக தலைமை அலுவலகத்தில், அக்கட்சியின் தேசிய பொதுச்செயலாளர் அர்ஜுன் சிங் முன்னிலையில் அவர் இணைந்தார். இதனையடுத்து செய்தியாளர்களிடம் பேசிய அனுராதா பட்வால், பிரதமர் நரேந்திர மோடியின் ஆட்சி சிறப்பாக உள்ளதாகவும், பாஜகவில் இணைந்தது மகிழ்ச்சி அளிப்பதாகவும் தெரிவித்துள்ளார்.
அனுராதா பட்வால் கடந்த 2017-ம் ஆண்டு பத்மஸ்ரீ விருதைப் பெற்றார். மேலும், தேசிய விருது, பிலிம்பேர் விருது உள்ளிட்ட பல்வேறு விருதுகளையும் பெற்றுள்ளார் என்பது குறிப்பிடத்தக்கது.
