உருவம் மட்டுமில்ல...பொறந்த ஊர், மாசம் எல்லாமே ஒன்னா..?..மார்க் ஆண்டனி சில்க் சொன்ன சர்ப்ரைஸ்..!

மார்க் ஆண்டனி படத்தில் சில்க் ஸ்மிதா போன்று நடித்து தற்போது ரசிகர்களின் கவனத்தை ஈர்த்துள்ள நடிகை விஷ்ணுபிரியா தனக்கும் சில்க் ஸ்மிதாவிற்குக் இருக்கும் ஒற்றுமைகளை பகிர்ந்துகொண்டுள்ளார்.

சில்க் ஸ்மிதா

தென்னிந்திய திரையுலக ரசிகர்களால் இன்றும் மறக்கமுடியாது நடிகையாக வளம் வருபவர் சில்க் ஸ்மிதா. இப்போதைய 2k கிட்ஸ்'ஸிடமும் மிகவும் பிரபலமான நடிகையாக இருந்து வரும் சில்க் ஸ்மிதா, கடந்த 1996-ஆம் ஆண்டு திடீரென உயிர் இழந்தார்.

இன்றளவும் சில்க் ஸ்மிதாவிற்கு ரசிகர்கள் இருந்து வரும் நிலையில், தற்போது வெளிவரவிருக்கும் நடிகர் விஷால் - எஸ்.ஜே.சூர்யாவின் படமான "மார்க் ஆண்டனி"யில் சில்க் ஸ்மிதாவை போலவே இருக்கும் விஷ்ணுபிரியா சில்க் கதாபாத்திரத்தில் நடித்து இரண்டு நாட்களாக சோசியல் மீடியாவில் ட்ரெண்டாகி வருகின்றது.

சில்க்'கின் மறுபிறவியா?

இந்நிலையில் அவர், தனக்கும் நடிகை சில்க் ஸ்மிதாவிற்கும் இருக்கும் ஒற்றுமைகளை குறித்து அவர் தெரிவித்துள்ளார். தனியார் தொலைக்காட்சிக்கு அவர் அளித்திருக்கும் பேட்டியில், தன் சொந்த ஊர் திருப்பதி தான் என்று குறிப்பிட்டு தான் Mba படித்துக்கொண்டு இருப்பதாக தெரிவித்துள்ளார்.

சாதரணமாக செய்து வெளியிட்ட வீடியோ ஒன்று வைரலாக பின்னர் தான் தனக்கு சில்க் ஸ்மிதா பற்றி தெரிந்தது என கூறினார். மேலும், பேசிய விஷ்ணுபிரியா சில்க் ஸ்மிதா 1996-இல் இறந்த நிலையில் தான் 1997-இல் பிறந்ததாக கூறி, சில்க் ஸ்மிதாவின் பிறந்தநாள் டிசம்பர் 3 என்றும் தன்னுடைய பிறந்தநாள் டிசம்பர் 13 என குறிப்பிட்டு, தன்னை சில்க் ஸ்மிதாவின் மறுபிறவி தான் என பலரும் கூறியதாக தெரிவித்தார். அந்த பேட்டியில், மேலும் தனக்கு பல சமயங்களில் சில்க் ஸ்மிதா தனது கனவில் வந்துள்ளதாகவும் விஷ்ணு பிரியா தெரிவித்துள்ளார்.