வார்னே உயிரிழப்புக்கு காரணம் மதுபோதையா? - சுற்றுலா சென்ற இடத்தில் அதிர்ச்சி

ஆஸ்திரேலிய அணியின் முன்னாள் சுழற்பந்து வீச்சாளர் ஷேன் வார்ன் மாரடைப்பால் மரணமடைந்த நிலையில் அவரது மரணம் பலத்த சந்தேகங்களை எழுப்பியுள்ளது. 

ஆஸ்திரேலிய அணியின் முன்னாள் சுழற்பந்து வீச்சாளர் ஷேன் வார்ன் தாய்லாந்தின் Koh Samui-ல் உள்ள தனது வில்லாவில் மாரடைப்பால் காலமானதாக வெளியான தகவல் கிரிக்கெட் உலகினரை அதிர்ச்சியில் ஆழ்த்தியுள்ளது.  

1992 ஆம் ஆண்டிலிருந்து 2007 ஆம் ஆண்டு வரை ஆஸ்திரேலிய அணிக்காக சர்வதேச போட்டிகளில் ஆடியுள்ள வார்ன் 145 டெஸ்ட் போட்டிகளில் 708 விக்கெட்டுகளையும், 194 ஒருநாள் போட்டிகளில் 293 விக்கெட்டுகளையும் வீழ்த்தியுள்ளார்.  மேலும் டெஸ்ட் கிரிக்கெட் போட்டியில் அதிக விக்கெட்டுகள் வீழ்த்தியவர்களின் பட்டியலில் வார்ன் 708 விக்கெட்டுகளுடன் 2 ஆம் இடம் பிடித்துள்ளார். 

தனது உடல் எடையை குறைக்கும் முயற்சியில் சில தினங்களுக்கு முன் இறங்கிய வார்ன் தாய்லாந்து நாட்டுக்கு சுற்றுலா சென்ற இடத்தில் மாரடைப்பால் இறந்ததாக கூறப்படுகிறது. அங்கு அவர் மசாஜ், மது , மாது என்று சுற்றியதாகவும், கிரிக்கெட் விளையாடும் போதிலும் உடல் நலம் பற்றி கவலைப்படாமல் மது, போதை என சுற்றியவர் வார்ன் என கிரிக்கெட் வட்டாரங்கள் தெரிவிக்கின்றன.  

எனவே அவரது மர்ம மரணம் குறித்து விசாரணை நடத்த வேண்டும் என ரசிகர்கள் வேண்டுகோள் விடுத்துள்ளனர்.