கேகேஆர் (KKR) அணியில் இடம்பிடித்த பிரபல தமிழ் காமெடி நடிகர்? ஓகே சொன்ன ஷாருக்கான்!
Jiyath
in பிரபலங்கள்
ஜவான் படத்தின் இசை வெளியீட்டு விழாவில் யோகிபாபுவை குறித்து ஷாருக்கான் பேசியுள்ளார்.
ஜவான்
இயக்குநர் அட்லீ இயக்கத்தில் ஷாருக்கான் நடிப்பில் ஜவான் திரைப்படம் உருவாகி வருகிறது. இதில் விஜய் சேதுபதி மற்றும் நயன்தாரா ஆகியோர் முக்கிய கதாபாத்திரத்தில் ஷாருக்கானுடன் இனைந்து நடித்துள்ளனர். மேலும் தீபிகா படுகோனே, சஞ்சய் தத், பிரியாமணி மற்றும் யோகிபாபு உள்ளிட்டோர் நடித்துள்ளனர்.
இந்த படத்திற்கு அனிருத் இசையமைத்துள்ளார். வரும் செப்டம்பர் 7ம் தேதி இந்தி, தமிழ், தெலுங்கு மொழிகளில் இந்தப் படம் வெளியாக இருப்பதாக அறிவிக்கப்பட்டுள்ளது. அண்மையில் ஜவான் படத்தின் இசை வெளியீட்டு விழா சென்னையில் உள்ள தனியார் கல்லூரி அரங்கத்தில் பிரமாண்டமாக நடந்து முடிந்தது. இதில் ஷாருக்கான், விஜய் சேதுபதி மற்றும் படக்குழுவினர் பலர் கலந்து கொண்டனர்.
யோகிபாபு
இந்த விழாவில் ஷாருக்கான் கலகலப்பாக பேசினார். அப்போது நிகழ்ச்சியை தொகுத்து வழங்கிய பாவனா 'யோகிபாபு கிரிக்கெட் விளையாட்டில் ஆர்வம் மிக்கவர்.
அதனால் அவரை உங்களின் கேகேஆர் அணியில் யோகி பாபு விளையாடுவதற்கு அழைப்பு விடுப்பீர்களா?என்று ஷாரூக்கானிடம் கேள்வி எழுப்பினார். அதற்கு ஷாருக்கான் 'தனது கட்டை விரலை காட்டி தாராளமாக வரலாம் என்று சம்மதத்தை தெரிவித்துள்ளார்.
