தண்ணீருக்குள் கர்ப்ப கால போட்டோ ஷூட் நடத்திய பிரபல நடிகை - இணையத்தில் வைரல்

சீரியல் நடிகை ஜெனிஃபர் தனது கணவருடன் தண்ணீருக்கு அடியில் போட்டோ ஷூட் நடத்தியுள்ளார்.

நடிகை நந்திதா ஜென்ஃபர் ’ஈர நிலம்’ என்ற படம் மூலம் ரசிகர்கள் மத்தியில் பிரபலமானார்.அதையடுத்து பல படங்களில் சிறப்பு கதாபாத்திரத்திலும் நடித்துள்ளார்.

2007 ஆம் ஆண்டு காசி விஸ்வநாதன் என்பவரை ஜெனிஃபர் திருமணம் செய்துக்கொண்டார். திருமணத்திற்கு பிறகு சீரியலில் நடிப்பதில் ஆர்வம் காட்டி வந்தார்.

சன் டிவியில் லட்சுமி ஸ்டோர்ஸ், கலர்ஸ் தமிழில் அம்மன் ஆகிய சீரியல்களில் நடித்தார். ஆனால் கடந்த ஆண்டு விஜய் டிவியில் ஒளிபரப்பாகிய பாக்கியலட்சுமி சீரியலில் ’ராதிகா’ என்ற கதாபாத்திரத்தில் நடித்து மிகவும் பிரபலமானார்.

பின்பு பாக்கியலட்சுமி சீரியலில் இருந்து திடீரென விலகுவதாக அறிவித்ததை அடுத்து சமூக வலைதளங்களில் சீரியலை விட்டு விலகியதற்கான காரணத்தை நெட்டிசன்கள் கேட்டு வந்தனர். எனவே ஜெனிஃபர் தனது கணவரோடு இணைந்து ஒரு யூடியூப் சேனல் ஒன்றை தொடங்கி சீரியலில் இருந்து விலகியதற்கான காரணத்தை கூறினர்.அதில் ஜெனிஃபர் கர்ப்பமாக இருப்பதும் முக்கிய காரணமாக தெரிவித்தனர்,

இந்நிலையில் சீரியல் நடிகை ஜெனிஃபர் தண்ணீருக்கு அடியில் தனது கணவருடன் கர்ப்பகால போட்டோ ஷூட் நடத்தியுள்ளார். இந்த புகைப்படங்கள் தற்போது வைரலாகி வருகிறது.