ரஜினிகாந்த் போல் நானும் சூப்பர் ஸ்டார்தான் - சீமான்
நான் அரசியலில் சூப்பர்ஸ்டார் என சீமான் பேசியுள்ளார்.
சீமான்
நாம்தமிழர் கட்சி சார்பில் மதுராந்தகத்தில் பொதுக்கூட்டம் நடைபெற்றது.இதில் அக்கட்சியின் தலைமை ஒருங்கிணைப்பாளர் சீமான் கலந்து கொண்டு உரையாற்றினார்.
அதில் பேசிய அவர், கங்கை கொண்டோம். கடாரம் கொண்டோம். சரிதான். ஆனால், காவிரியில் கொஞ்சம் தண்ணீர் கொள்ள முடியவில்லை. இது பெரும் அவலம்.
சூப்பர்ஸ்டார்
நானும் ரஜினிகாந்தும் இரண்டே கால் மணி நேரம் என்ன பேசினோம் என்பது எங்களுக்குதான் தெரியும். அதை சொல்ல வேண்டிய அவசியம் எனக்கும் இல்லை, அவருக்கும் இல்லை. உங்கள் வீட்டில் எல்லா நிகழ்ச்சிக்கும் அவரை கூப்பிட்டு கூட வைத்துக் கொள்கிறீர்கள்.
நானும் அவரும் ஒருமுறைதான் ஒன்றாக நின்றோம். அதற்கு ஐயோ ஐயோ என குதிக்கிறார்கள். ஏன் தெரியுமா? அவர் திரையுலகின் சூப்பர் ஸ்டார், நான் அரசியலில் சூப்பர் ஸ்டார். இரண்டு ஸ்டாரும் சந்தித்தவுடன் பயந்து விட்டார்கள்.
நான் நான் இல்லையென்றால் எட்டு வழிச் சாலை வந்திருக்கும் நான் இல்லையென்றால் பரந்தூரில் விமான நிலையம் கட்டி இருப்பார்கள். நான் இல்லையென்றால் காட்டுப் பள்ளியில் துறைமுகம் கட்டி இருப்பார்கள்" என பேசினார்.
