வாய்ப்பில்லை ராஜா...ஹெச். ராஜவுக்கு சீமான் பதிலடி..!

ஹெச்.ராஜாவுக்கு ஒரே பதில்தான், வாய்ப்பில்லை ராஜா என்று நாம் தமிழர் கட்சி ஒருங்கிணைப்பாளர் சீமான் தெரிவித்துள்ளார்.

வாய்ப்பில்லை ராஜா

நாம் தமிழர் கட்சி ஒருங்கிணைப்பாளர் சீமான் அவர்கள் செய்தியாளர்களுக்கு பேட்டியளித்துள்ளார். அப்போது அவரிடம், எச்.ராஜா தமிழ் தேசிய புலியுடன் இணைந்து செயல்பட தயாராக இருப்பதாகவும்,

திருமாவளவன் தமிழ் தேசியம் தோல்வியடைந்த ஒன்று, அது என்றைக்குமே வெற்றி பெறாது என தெரிவித்துள்ளது குறித்து கேள்வி எழுப்பப்பட்டது.

அதற்கு பதிலளித்த சீமான், ஹெச்.ராஜாவுக்கு ஒரே பதில்தான், வாய்ப்பில்லை ராஜா. அண்ணன் திருமாவளவனுக்கு பொறுத்திருந்து பாருங்கள் என பதிலளிப்பதாக தெரிவித்துள்ளார். தமிழ் தேசிய சித்தாந்தம் இப்பொழுது தான் வருகிறது. காத்திருந்து பாருங்கள் என தெரிவித்துள்ளார்.

ஈழத் தமிழர்களுக்கு குடியுரிமை கொடுங்கள் 

மேலும் பேசிய அவர், ஈழத் தமிழர்களுக்கு பாரதிய ஜனதா நல்லது செய்யணும் என்று நினைத்தால் எங்கள் மீதான தடையை நீக்க வேண்டும். எங்கள் மக்களுக்கு குடியுரிமை கொடுக்க வேண்டும்.

உலகம் முழுவதும் போய் வாழ்கிறோம். எங்களுக்கும் அந்த நாடுகளுக்கும் சம்மந்தம் இல்லை. ஆனால் அந்த நாடுகள் குடியுரிமை கொடுத்து இருக்கிறது.

எங்கள் பிள்ளைகளை அந்நாடு ராணுவத்தில் மற்றும் காவல்துறையில் சேர்த்து கொள்கிறது. அந்நாட்டுக்காக எங்கள் பிள்ளைகள் விளையாட்டு போட்டிகளில் பங்கேற்று விளையாடுகின்றனர்.

நீங்கள் உண்மையிலேயே தமிழர்களுக்கு நல்லது செய்ய வேண்டும் என்றால் கச்சத்தீவை திரும்பி எடுங்கள் என்றார்.

டிஐஜி தற்கொலைக்கு பணிச்சுமை தான் காரணம் 

டிஐஜி விஜயகுமார் 6 மாதம் விடுமுறை கேட்ட போது, அவருக்கு விடுமுறை கொடுக்கப்படவில்லை. விஜயகுமார் பணிசுமையின் காரணமாக மன அழுத்தத்தில் இருந்ததாலே தற்கொலை செய்துள்ளார்.

அனைத்து குடும்ப தலைவிகளுக்கும் ரூ.1000 தருவோம் என கூறிவிட்டு தற்போது விதிகளை வகுப்பது ஏன் என கேள்வி எழுப்பி உள்ளார்.