சொத்து பிரச்சினை காரணமாக விதவைப் பெண்ணை ஓட ஓட அரிவாளால் வெட்டிய உறவினர் - வைரலாகும் அதிர்ச்சி வீடியோ

சொத்து பிரச்சினை

கடலூர் மாவட்டம், திட்டக்குடி அடுத்த நாவலூர் கிராமத்தைச் சேர்ந்தவர் காவேரி. இவர் கணவனை இழந்து பெட்டிக்கடை வைத்து நடத்தி வருகிறார். இந்நிலையில், இவருக்கும், இவரது கணவரின் சகோதரர், சகோதரிக்கு சொத்து சம்பந்தமான பிரச்சினை இருந்து வந்துள்ளது.

ஓட ஓட வெட்டிய உறவினர்கள்

இதனையடுத்து, இன்று மதியம் சுப்பிரமணியனுக்கும், காவிரிக்கும் வாய் தகராறு ஏற்பட்டது. அப்போது, இந்த வாய்த்தகராறு கைகலப்பாக மாறியது. அப்போது, காவிரியை கணவரின் சகோதரர் மற்றும் சகோதரி அங்கிருந்த அரிவாளை எடுத்து ஓட ஓட வெட்டியுள்ளனர்.

இத்தாக்குதலில் காவிரியின் மண்டை ,தோள்பட்டை பகுதி, இரு கைகளிலும் படுகாயம் அடைந்தார். ரத்த வெள்ளத்தில் சரிந்த இவரை அங்கிருந்தவர்கள் ஓடி வந்து மீட்டு அருகில் வேப்பூர் அரசு மருத்துவமனை கொண்டு சென்று அனுமதித்தனர். இதனையடுத்து, மேல் சிகிச்சைக்காக திட்டக்குடி அரசு மருத்துவமனையில் முதலுதவி சிகிச்சை அளிக்கப்பட்டு வருகிறது.

போலீசார் விசாரணை 

இது குறித்து போலீசாருக்கு தகவல் கொடுக்கப்பட்டுள்ளது. தகவல் அறிந்த போலீசார் இது குறித்து வழக்குப் பதிவு செய்து விசாரணை மேற்கொண்டு வருகின்றனர். தற்போது, விதவைப் பெண்ணை ஓட ஓட அரிவாளால் வெட்டும் வீடியோ சமூகவலைத்தளங்களில் வைரலாகி வருகிறது.