ஜுன் 7 ஆம் தேதி பள்ளிகள் திறக்கப்படும் - அமைச்சர் அன்பில் மகேஷ் அறிவிப்பு

தமிழகத்தில் வெயிலின் தாக்கத்தால் ஜுன் 7 ஆம் தேதி பள்ளிகள் திறக்கப்படும் என அமைச்சர் அன்பில் மகேஷ் அறிவிப்பு

பள்ளிகள் திறப்பு எப்போது?

தமிழகத்தில் கோடை விடுமுறை முடிந்து பள்ளிகள் ஜுன் 1 ஆம் தேதி 6 முதல் 12 வகுப்பு வரையிலான மாணவர்களுக்கு பள்ளிகள் திறக்கப்படும் என்றும் ஜுன் 5 தேதி 1 முதல் 5 ஆம் வகுப்பு வரையிலான மாணவர்களுக்கு பள்ளிகள் திறக்கப்படும் என்றும் அறிவிக்கப்பட்டு இருந்தது.

இந்த நிலையில் அமைச்சர் அன்பில் மகேஷ் காணொளி காட்சி வாயிலாக அனைத்து மாவட்ட முதன்மை கல்வி அலுவலர்களுடன் ஆலோசனை நடத்தினார்.

அப்போது பள்ளிகள் திறப்பது குறித்து ஆலோசனை நடத்தப்பட்டது. இந்த நிலையில் இன்று திருச்சியில் செய்தியாளர்களை சந்தித்த அமைச்சர் அன்பில் மகேஷ் பள்ளிகள் திறப்பு குறித்து 2 தேதிகளை முதலமைச்சரிடம் வழங்கியிருப்பதாகவும், பள்ளிகள் திறப்பு தேதியை முதலமைச்சர் அறிவிப்பார் என்றும் தெரிவித்தார்.

ஜுன் 7 ஆம் தேதி பள்ளிகள் திறக்கப்படும்

இதனால் பள்ளிகளுக்கான கோடை விடுமுறை என்பது நீட்டிக்கப்பட வாய்ப்பு இருப்பதாக தகவல்கள் வெளியாகியுள்ளது.

இதனிடையே 1 முதல் 12 ஆம் வகுப்பு வரையிலான பள்ளிகள் திறப்பு ஜுன் 7 ஆம் தேதி திறக்கப்படும் என்று அமைச்சர அன்பில் மகேஷ் அறிவித்துள்ளார்.