இந்த நாட்டில் மது விற்பனைக்கு அனுமதி - ஆனால் ஒரு கண்டிஷன்!

மது விற்பனை செய்ய சவுதி அரேபியா அனுமதி அளித்துள்ளதாக தகவல் வெளியாகியுள்ளது.

மது விற்பனை 

சவுதி அரேபியா மாதத்திற்கு 50,000 ரியால் ($13,300) அல்லது அதற்கு மேல் சம்பாதிக்கும் முஸ்லிம் அல்லாத வெளிநாட்டினர் மதுபானம் வாங்க அனுமதித்துள்ளதாக தகவல் வெளியாகியுள்ளது.

ரியாத்தில் அமைந்துள்ள, ராஜ்ஜியத்தின் ஒரே மதுபான விற்பனை நிலையத்திற்குள் நுழைய தகுதியான குடியிருப்பாளர்கள் சம்பளச் சான்றிதழை வழங்க வேண்டும். இந்தக் கடை கடந்த ஆண்டு வெளிநாட்டு தூதர்களுக்காகத் திறக்கப்பட்டது.

வாடகைக்கு விடப்படும் கணவன்கள்;இதுதான் விஷயமா? எங்கே தெரியுமா?

அனுமதி? 

தற்போது "பிரீமியம் ரெசிடென்சி" அந்தஸ்துடன் முஸ்லிம் அல்லாதவர்களுக்கும் அனுமதியை நீட்டித்துள்ளது என்று கூறப்படுகிறது. இந்த நடவடிக்கை குறித்து முறையான அரசாங்க அறிவிப்பு எதுவும் இல்லை. சமூகக் கட்டுப்பாடுகளைத் தளர்த்துவதற்கும், ரியாத்தை வணிகம் மற்றும் முதலீட்டிற்கான மிகவும் போட்டித்தன்மை

வாய்ந்த மையமாக மாற்றுவதற்கும் பரந்த முயற்சிகளுடன் மதுபான விதிமுறைகளை மெதுவாக தளர்த்துவதாக தெரிவிக்கப்படுகிறது. முன்னதாக, பெண்கள் வாகனம் ஓட்டுவதற்கான தடையை அந்த நாடு நீக்கியுள்ளது.

பொழுதுபோக்கு மற்றும் நேரடி இசையை அனுமதித்துள்ளது. பொது அமைப்புகளில் பாலின கலப்பை அனுமதித்துள்ளது குறிப்பிடத்தக்கது.