கருத்துக் கணிப்புகளுக்கு தடை - இந்திய தேர்தல் ஆணையம் உத்தரவு

தமிழகம், கேரளா மற்றும் புதுச்சேரியில் வரும் ஏப்ரல் மாதம் 6ம் தேதி சட்டமன்றத் தேர்தல் நடைபெற இருக்கிறது. அசாம் மாநிலத்தில் மார்ச் 27ம் தேதி முதல் ஏப்ரல் 6ம் தேதி வரை 3 கட்டங்களாகவும், மேற்கு வங்கத்தில் மார்ச் 27ம் தேதி முதல் ஏப்ரல் 29ம் தேதி வரை 8 கட்டங்களாகவும் தேர்தல் நடைபெற இருக்கிறது.

நாளை அசாமிலும், மேற்கு வங்கத்திலும் முதல்கட்ட வாக்குப்பதிவு நடைபெறுகிறது. இந்நிலையில், தேர்தலுக்கான கருத்து கணிப்புகளை மேற்கொள்ளவும் முடிவுகளை வெளியிடவும் இந்திய தேர்தல் ஆணையம் கட்டுப்பாடுகள் தற்போது விதித்திருக்கிறது.

  இது தொடர்பாக தமிழக தேர்தல் அதிகாரி சத்யபிரதா சாகு வெளியிட்டுள்ள அறிக்கையில் கூறியிருப்பதாவது - கன்னியாகுமரி இடைத்தேர்தல் மற்றும் தமிழக சட்டமன்றத் தேர்தலுக்கான வாக்குப்பதிவு 6ம் தேதி காலை 7 – இரவு 7 மணி வரை நடைபெற உள்ளது. தேர்தல் நேரத்தில் கருத்துக் கணிப்பு முடிவுகளை ஊடகங்கள் வெளியிடுவதற்காக வரையறைகள் அறிவிக்கப்படுகிறது.

அசாம், மேற்கு வங்கத்தில் 27ம் (நாளை) தேதி காலை 7 மணியில் இருந்து இரவு 7.30 வரை கருத்துக் கணிப்புகள் வெளியிடக் கூடாது. ஒவ்வொரு கட்ட வாக்குப்பதிவுக்கு 48 மணி நேரம் முன்பு கருத்துக் கணிப்புகளையோ அல்லது பிறவாக்கு ஆய்வு முடிவுகளையோ காட்சிப்படுத்தக் கூடாது என்று குறிப்பிறப்பட்டுள்ளது. தேர்தல் நடைபெறும் 5 மாநிலங்களுக்கும் இந்த அறிவிப்பு பொருந்தும்" இவ்வாறு அந்த அறிக்கையில் கூறப்பட்டுள்ளது.