விஜய்யை மிரட்டி 'அந்த' படத்தில் நடிக்கவைத்த சசிகலா....பல ஆண்டுகளுக்கு பின் வெளிவந்த சீக்ரெட்..!!

நடிகர் விஜய்யை மிரட்டி படம் ஒன்றில் சசிகலா நடிக்கவைத்துள்ளதாக சினிமா ஜௌர்னலிஸ்ட் அந்தணன் சமீபத்திய பேட்டி ஒன்றில் தெரிவித்துள்ளார்.

நடிகர் விஜய்  

தமிழ் திரையுலகில் உச்சநட்சத்திரமாக திகழ்ந்து வருபவர் நடிகர் விஜய். தற்போது அவர் நடிப்பில் வெளிவரவிருக்கும் "லியோ" படம் தற்போது தமிழ் சினிமாவில் எந்த படங்களும் செய்திராத பிசினஸாக 400 கோடி ரூபாய்க்கு மேல் வியாபாரம் செய்துள்ளதாக தகவல்கள் வெளிவந்திருக்கின்றன.

"லியோ" படம் வரும் அக்டோபர் 19-ஆம் தேதி வெளிவரவுள்ள நிலையில், அப்படத்திற்கான இசை வெளியீட்டிற்கு நிகழ்ச்சி இம்மாத இறுதியில் நடைபெறும் என எதிர்பார்க்கப்படுகிறது. "லியோ" படத்தை தொடர்ந்து தற்போது தனது 68-வது படத்திற்கான முதற்கட்ட பணிகளிலும் விஜய் மும்முரமாக ஈடுபட்டு வருகின்றார்.

மிரட்டிய சசிகலா   

இந்நிலையில், தற்போது விஜய் படத்தில் ஒன்று நடிக்கவேண்டும் என்ற சசிகலா தரப்பில் இருந்து நெருக்கடி தரப்பட்டதாக தகவல்கள் வெளிவந்துள்ளன. இது குறித்து சினிமா ஜௌர்னலிஸ்ட் அந்தணன் சமீபத்திய பேட்டி ஒன்றில் தெரிவித்துள்ளார்.

அந்த பேட்டியில் பேசும் போது, 'போயஸ் கார்டனில் இருந்து நடிகர் விஜய்யிடம் படம் எடுப்பதற்காக கால்ஷீட் கேட்டார்கள் என குறிப்பிட்டு, அதற்கு விஜய் முதலில் ஒத்துக்கொள்ளவில்லை என்றும் ஆனால் சசிகலா கேட்கிறார், அதனால் நீங்கள் உடனே கால்ஷீட் கொடுக்கத்தான் வேண்டும் என மிரட்டித்தான் வசீகராவில் விஜய்யை நடிக்க வைத்தார்கள் என்று அந்தப் படம் வெளியானபோது பல செய்திகள் உலாவின" என தெரிவித்திருக்கிறார்.

வசீகரா படம் கடந்த 2003-ஆம் ஆண்டில் சினேகா, வடிவேலு, நாசர் என பலர் நடித்து வெளியான நிலையில், தற்போதும் படத்தின் காமெடி காட்சிகள் மிகவும் பிரபலமாக இருக்கும் நிலையிலும் படம் வெளியான போது பெரிய வெற்றியை பெற்றிடவில்லை என்பது குறிப்பிடத்தக்கது.