IPL 2024: சிஎஸ்கே அணியின் கேப்டன் சஞ்சு சாம்சன் தான்.. - என்ன சொல்கிறார் அஷ்வின்?
Jiyath
in கிரிக்கெட்
தான் கூறியதாக வைரலாக ஒரு பதிவிற்கு இந்திய அணி வீரர் ரவிச்சந்திரன் அஷ்வின் பதிலடி கொடுத்துள்ளார்.
ரவிச்சந்திரன் அஷ்வின்
இந்தியாவில் நடத்தப்படும் ஐபிஎல் கிரிக்கெட் தொடரின் 17வது சீசன் அடுத்த ஆண்டு நடைபெறவுள்ளது. இதற்கான வீரர்களின் ஏலம் அடுத்த மாதம் 19ம் தேதி துபாயில் நடைபெறுகிறது.
எனவே,அனைத்து அணிகளும் தேவையான வீரர்களை தக்க வைத்து, தேவையற்ற வீரர்களை விடுத்துள்ளது. இந்நிலையில் சென்னை சூப்பர் கிங்ஸ் அணியின் அடுத்த கேப்டனாக கேரளாவை சேர்ந்த வீரர் 'சஞ்சு சாம்சன்' இருப்பார் என்று ரவிச்சந்திரன் அஷ்வின், தனது யூடியூப் சேனலில் தெரிவித்ததாக ஒரு பதிவு எக்ஸில் (ட்விட்டரில்) வைரலானது.
பதிலடி
அந்த பதிவில் "சிஎஸ்கே அணியின் கேப்டனாக செயல்படுவதற்கு சஞ்சு சாம்சன் அணுகப்பட்டது கிட்டத்தட்ட முடிந்து விட்டது. ஆனால் அதை சஞ்சு சாம்சன் மறுத்து விட்டார். கண்டிப்பாக வருங்காலத்தில் இதற்கான வாய்ப்புகள் அதிகமாக இருக்கிறது” என குறிப்பிடப்பட்டிருந்தது.
உடனடியாக அந்த போலியான பதிவிற்கு பதிலடி கொடுத்த அஷ்வின் "போலியான செய்தி. தயவு செய்து பொய்யான செய்தியில் எனது பெயரை சேர்க்காதீர்கள்” என அந்த ரசிகருக்கு பதிலடி கொடுத்துள்ளார். சஞ்சு சாம்சனை ராஜஸ்தான் ராயல்ஸ் அணி நிர்வாகம் தங்களுடைய கேப்டனாக தக்க வைத்துள்ளது என்பது குறிப்பிடத்தக்கது.
