சாம்சங் அறிமுகம் செய்த கேலக்ஸி ரிங் - எப்போது விற்பனைக்கு வரும்?
கேலக்ஸி ரிங் சாதனத்தை சாம்சங் நிறுவனம் அறிமுகம் செய்துள்ளது.
கேலக்ஸி ரிங்
சர்வதேச மொபைல் காங்கிரஸ் 2024 நிகழ்ச்சியில் கேலக்ஸி ரிங் சாதனத்தை சாம்சங் நிறுவனம் அறிமுகம் செய்தது. உடல்நலம் மற்றும் சுகாதாரம் தொடர்பாக சாம்சங் மேற்கொள்ளும் திட்டங்கள் குறித்தும் அறிவித்தது.
இந்த புதிய கேலக்ஸி ரிங் 24 மணி நேரம் மிகவும் சவுகரியமாக அணிந்து கொள்ளும் வகையில் உருவாக்கப்பட்டுள்ளது. இதனால் பயனாளர்கள் தங்களது உடல் ஆரோக்கியம் பற்றிய விவரங்களை துல்லியமாக அறிந்து கொள்ள முடியும்.
விற்பனை எப்போது?
உடல்நலம் மற்றும் சுகாதாரம் உள்ளிட்டவற்றுக்கு முக்கியத்துவம் கொடுக்கும் வகையில் தங்களது பல்வேறு சாதனங்களில் ஏ.ஐ. அனுபவத்தை புகுத்த சாம்சங் நிறுவனம் திட்டமிட்டு வருகிறது.
மேலும், உடல்நலம் மற்றும் சுகாதாரம் தொடர்பான சேவைகளை சாம்சங் ஹெல்த்-இல் இணைக்க அந்நிறுவனம் திட்டமிட்டு வருகிறது. இந்த புதிய கேலக்ஸி ரிங் அடுத்து நடைபெறும் கேலக்ஸி அன்பேக்டு நிகழ்ச்சியில் அறிவிக்கப்பட்டு, பின்னர் விற்பனைக்கு வரும் என்று தெரிகிறது.