அதிக ரசிகர்கள் யாருக்கு - மற்ற நடிகைகளை பின்னுக்கு தள்ளி முதல் இடத்திற்கு முன்னேறிய சமந்தா!

நடிகை சமந்தா தற்போது விஜய் தேவரகொண்டாவுடன் குஷி என்ற படத்தில் நடித்து வருகிறார்.

முன்னணி நடிகை

தமிழ், தெலுங்கில் முன்னணி நடிகையாக வலம் வரும் நடிகை சமந்தா, விஜய் சேதுபதி மற்றும் நயன்தாராவுடன் சேர்ந்து கடைசியாக நடித்த படம் ‘காத்துவாக்குல ரெண்டு காதல்’. இப்படம் வெளியாகி ரசிகர்களிடையே பெரும் வரவேற்பை பெற்றது. இதனை தொடர்ந்து சமந்தா சோலோ ஹீரோயினாக கலக்கியுள்ள யசோதா திரைப்படமும் விரைவில் திரைக்கு வரவுள்ளது.

நடிகை சமந்தா கடந்த 2017-ல் தெலுங்கு திரையுலகின் முன்னணி நடிகராக உள்ள நாக சைதன்யாவை காதலித்து திருமணம் செய்து கொண்டார். இதனை தொடர்ந்து கடந்த ஆண்டு கருத்து வேறுபாடு காரணமாக காதல் கணவரான சைதன்யாவை பிரிவதாக தனது சமூக வலைத்தள பக்கத்தில் அறிவித்தார்.

விவாகரத்துக்கு பின் தனது நண்பர்கள் மற்றும் தோழிகளுடன் ஆன்மீக சுற்றுலா, வெளிநாடுகளுக்கு பயணம் செய்தல், ஒர்க்கவுட், ஷூட்டிங் என படு பிஸியாக தன்னை ஈடுப்படுத்தி வருகிறார் சமந்தா. சமூக வலைத்தளங்களில் படு ஆக்டிவாக செயல்படும் நடிகை சமந்தா தான் நடத்தும் ஃபோட்டோஷூட்களை தனது இன்ஸ்டாகிராம் பக்கத்தில் பதிவிட்டு அதன்மூலம் அதிக லைக்சுகள் மற்றும் பின்தொடர்வோர்களின் எண்ணிக்கையை கவர்ந்து வருகிறார்.

முதலிடத்தில் சமந்தா

அந்த வகையில் இன்ஸ்டாகிராமில் அதிக ரசிகர்களை கொண்ட நடிகையாக மற்ற நடிகைகளை பின்னுக்கு தள்ளி சமந்தா முதலிடத்தில் இருக்கிறார். அவரை 2 கோடியே 37 லட்சம் ரசிகர்கள் பின்தொடர்கிறார்கள்.

இதற்கு அடுத்ததாக 2 கோடியே 27 லட்சம் ரசிகர்களுடன் காஜல் அகர்வாலும், 1 கோடியே 99 லட்சம் ரசிகர்களுடன் 3-ம் இடத்தில் ஸ்ருதிஹாசன் உள்ளார்.

1 கோடியே 66 லட்சம் ரசிகர்களுடன் 4-ம் இடத்தில் தமன்னாவும், 1 கோடியே 30 லட்சம் ரசிகர்களுடன் 5-ம் இடத்தில் கீர்த்தி சுரேஷ் ஆகியோர் பட்டியலில் இடம்பிடித்துள்ளனர். இதற்கு அடுத்ததாக சாய் பல்லவி, ஹன்சிகா, அனுஷ்கா, அமலாபால் ஆகியோரும் இருக்கிறார்கள்.