அவெஞ்சர்ஸில் 'விஜய்' சூப்பர் ஹீரோ; அவருடன் இந்த 2 ஹீரோயின்கள் - சமந்தாவின் ஆசை!
Jiyath
in பிரபலங்கள்
அவெஞ்சர்ஸ் அணியில் எந்தெந்த இந்திய நடிகர்கள் நடித்தால் பொருத்தமாக இருக்கும் என்பதை குறித்து நடிகை சமந்தா பேசியுள்ளார்.
தி மார்வெல்ஸ்
மார்வெல் ரசிகர்களுக்கு விருந்தளிக்கும் வகையில் 'கேப்டன் மார்வெல்' படத்தின் சீக்குவலான 'தி மார்வெல்ஸ்' திரைப்படம் தீபாவளியை முன்னிட்டு நவம்பர் 10ம் தேதி வெளியாக உள்ளது.
நியா டகோஸ்டா இயக்கியுள்ள இப்படத்தில் ப்ரி லார்சன், டியோனா பாரிஸ், சாமுவேல் எல். ஜாக்சன், ஜாவே அஸ்டன், இமான் வெல்லானி, சியோ-ஜுன் பார்க் உள்ளிட்டோர் நடித்துள்ளனர். தமிழ் உள்ளிட்ட பல மொழிகளில் இந்தியாவில் வெளியாக உள்ள இந்த படத்தின் தெலுங்கு பதிப்பில் ஒரு முக்கிய கேரக்டருக்கு நடிகை சமந்தா டப்பிங் பேசி உள்ளார்.
சமந்தா பேச்சு
இந்நிலையில் ஹைதராபாத்தில் நடைபெற்ற இப்படத்தின் புரமோஷன் நிகழ்ச்சியில் சமந்தா கலந்து கொண்டார். அப்போது அவரிடம் "அவெஞ்சர்ஸ் அணியில் எந்தெந்த இந்திய நடிகர்கள் நடித்தால் பொருத்தமாக இருக்கும்?' என்று கேள்வி கேட்கப்பட்டது.
அதற்கு பதிலளித்த சமந்தா "விஜய், அல்லு அர்ஜுன்,பிரியங்கா சோப்ரா மற்றும் அலியா பட் ஆகியோர் இணைந்து நடித்தால் நல்லா இருக்கும்" என்று கூறியுள்ளார். இது சமூக வலைத்தளங்களில் வைரலாகி வருகிறது. மேலும், விஜய்யை சமந்தா குறிப்பிட்டதை, விஜய் ரசிகர்கள் கொண்டாடி வருகின்றனர்.
