எஸ்.ஏ.சந்திரசேகரை அவமானப்படுத்திய உதவி இயக்குனர்… - வெளியான தகவல்.. ஷாக்கான ரசிகர்கள்...!

பிரபல இயக்குநர் எஸ்.ஏ.சந்திரசேகரை உதவி இயக்குநர் அவமானப்படுத்தியதாக வெளியான தகவலால் ரசிகர்கள் ஷாக்காகியுள்ளனர்.

நடிகர் விஜய்

தமிழ் சினிமாவில் உச்ச நட்சத்திர நாயகனாக வலம் வருபவர் நடிகர் விஜய். சிறுவர்கள் முதல் பெரியவர்கள் வரை அனைவரின் மனதில் இடம் பிடித்து தனக்கென்று அந்தஸ்த்தை பெற்றுள்ளார் நடிகர் விஜய். இந்த நிலைமைக்கு விஜய் வருவதற்கு விதை போட்டவர் இவருடைய தந்தை எஸ்.ஏ.சந்திரசேகர்தான்.

எஸ்.ஏ.சந்திரசேகரை திட்டிய உதவி இயக்குநர்

இவர் தமிழ் சினிமாவில் பிரபல இயக்குநர் ஆவார். “பட்டணத்து ராஜாக்கள்”, “இதயம் பேசுகிறது” உட்பட பல திரைப்படங்களை இயக்கியுள்ளார். முதன் முதலில் எஸ்.ஏ.சந்திரசேகர் நிறைய கதைகளை எழுதி, அதை நாடகமாக போடத்தொடங்கினார். அப்படி இவர் இயக்கிய நாடகம்தான் “பிஞ்சு மனம்”.

இந்த நாடகத்தை பார்த்த டி.என்.பாலு என்ற இயக்குனர், எஸ்.ஏ.சந்திரசேகரை அணுகி, உங்களுடைய நாடகம் சிறப்பாக உள்ளது. என்னிடம் உதவி இயக்குனராக வந்துவிடுங்கள் என்று அழைத்துள்ளார். உடனே எஸ்.ஏ.சியும் ஒப்புக்கொண்டார். டி.என்.பாலுவிடம் உதவி இயக்குனராக இவர் பணியாற்றத்தொடங்கினார்.

அப்போது “மனசாட்சி” என்ற திரைப்படத்தில் டி.என்.பாலு இயக்கிக் கொண்டிருந்தார். அந்தப் படத்தில் எஸ்.ஏ.சி உதவி இயக்குனராக பணியாற்றினார். ஒரு நாள், அப்படத்தின் ஒரு பாடல் காட்சியை படமாக்கிக்கொண்டிருந்தனர் படக்குழுவினர்.

அன்று அந்த பாடலின் வரியையும் இசையையும் தனிதனியாக பிரித்து வைக்க வேண்டும். அந்த பணியை எஸ்.ஏ.சியிடம் கொடுத்திருந்தார் டி.என்.பாலு. ஆனால் எஸ்.ஏ.சி. சினிமாவிற்கு புதிது என்பதால் அவருக்கு இது குறித்து எதுவும் தெரியவில்லை. உடனே, இவர் அப்படத்தின் அசோஸியேட் இயக்குனரிடம் சென்று சந்தேகத்தை கேட்டார்.

ஆனால் அவரோ அனைவர் மத்தியிலும் அவரை கண்டபடி திட்டியுள்ளார். இதனால் அவமானப்பட்ட எஸ்.ஏ.சி., டி.என்.பாலுவிடம் சென்று “நான் இப்படத்திலிருந்து விலகிக்கொள்கிறேன். என்னை அவமானப்படுத்திவிட்டார்கள் என்று மனவலியோடு கூறியுள்ளார்.

அப்போது டி.என்.பாலு, “எஸ்.ஏ.சி. இப்போத்தானே சினிமாவுக்குள் வந்துருக்க. இந்த மாதிரியான அவமானங்களையெல்லாம் கடந்து சென்றால்தான் நீ பெரிய ஆளாக வருவ. அப்போ கண்டிப்பா உன்னை அனைவரும் மதிப்பாங்க. அதை நோக்கி நீ பயணம் செய் என்று அறிவுரை கூறியுள்ளார். அப்போது நன்கு யோசித்த எஸ்.ஏ.சி தனது முடிவை மாற்றிக்கொண்டுள்ளார். 

தற்போது இது தொடர்பான செய்தி சமூகவலைத்தளங்களில் வெளியாகி வைரலாகி  ரசிகர்களிடையே ஆச்சரியத்தை வரவழைத்துள்ளது.