விஜய்யை பற்றி என்னிடம் கேட்காதீர்கள் - தந்தை சந்திரசேகர் பேச்சால் அதிர்ச்சி

விஜய் எதிர்காலம் பற்றி என்னிடம் கேட்காதீர்கள் என சந்திரசேகர் தெரிவித்துள்ளார்.

எஸ்.ஏ.சந்திரசேகர் 

திருவண்ணாமலை, ஆரணியில் ஸ்ரீ புத்திர காமேட்டீஸ்வரர் ஆலயத்திற்கு இயக்குநர் எஸ்.ஏ.சந்திரசேகர் வந்திருந்தார். இதனால், நடிகர் விஜய்யின் ரசிகர்கள் கோயில் வளாகத்தில் குவிந்தனர்.

அப்போது சாமி கும்பிட்டுவிட்டு வெளியேவந்த எஸ்.ஏ.சியிடம், நடிகர் விஜய்யின் எதிர்காலம் பற்றி செய்தியாளர்கள் கேள்வி எழுப்பினர். அதற்கு பதிலளித்த அவர், “ நடிகர் விஜய் எதிர்காலம் பற்றி என்னிடம் கேட்காதீர்கள் விஜயிடம் கேளுங்கள்” எனத் தெரிவித்தார்.

விஜய்

இது அங்கிருந்த ரசிகர்களிடையே அதிர்ச்சியை ஏற்படுத்தியது. நடிகர் விஜய்க்கும், எஸ்.ஏ.சி-க்கும் சில காலமாக பிரச்சனை இருந்துவருவதாக கூறப்படுவது குறிப்பிடத்தக்கது.  

விஜய் நடிப்பில் லோகேஷ் கனகராஜ் இயக்கத்தில் லியோ படத்தின் ஷூட்டிங் நடைபெற்று வருகிறது.